October 19, 2023 || Tongsan Media Group ||
Chin State, Falam District, Zawnglay khua mite pawl khat tuni October 19, 2023 ni zingsang lamin gam sungah Kau tui (butterfly eggs) zong dingin a kuankhiatna ah kum 50 apha nupi khatin Ukna buluh (SAC)te’ phumsim leisung thau (landmine) sikkha ahih manin, a phualah sipah cih kiza hi. Hong nusia Daw Biak Za Nem (Kum 50) pen landmine hangin a khete nih nakliam lua mahmah ahih manin, tanu tapa kigawm vekpi 6 te nusia in mualliam cih thu khuapihte’n gen uh hi.
” Ukna buluh (SAC) te in a khua nawl Taak sing tamna mual kiang khat tengah Landmine phum sim uh hi. Landmine kisiahna mun a thei khalo maw (or) lampi khial a va sikkha hizaw maw cih kitheilo hi. A ging ngaih mahmah akizak phetin, a kithuahpih a lawmte in va delh pah uh himah leh amun ah na sikhin ta cih kiza ” ci-in CNDF thukizakna ah vaisai Salai Cung Ngai in genkhia hi. SAC te’ ukna buluh zawh akipan Falam Township sungah SAC galkapte’ phumsim Landmine sikkha a si khuami vekpi 5 sikhin ta a, 5 sang tawzawmlo liamna tuak uh ci hi.
” Tu in zong Revolution hun hita hi. Kido, kikapnate a tawntung aom den ahih manin, amau (SAC) lam pan zong kidowm takin om uh hi a, Galkapte’ galphual kim limlim ah pai khak hetloh ding hih thuahsa mite’ tungtawn in kidop huai mahmah hi ” cih thu Salai Cung Ngai in genbeh hi. SAC ii ukna buluh khit akipan Chin State sungah landmine hangin asi tualsung mi vekpi gawm 21 sikhin a, 37 in liamna ngahin pumpi taksa hem leh poi lawh uh cih kiza hi.
![](https://tongsan.org/wp-content/uploads/2023/10/391686658_655623796706643_7105478226284056143_n.jpg)
Hits: 11