Falam khuapi pan tai 4 kim kigamlatna Falam – Rihkhuadar lamzikpi dung a om Sunthla khua ah SAC galkap pawlin January 28 nitak lam (7:00Pm) hun pawlin vanleng tawh bomb khiat uh a, tenna inn 5 kisiazan in, a kim a om Inn 4 te zong limsiat mahmah ci hi. Mihing a si a liam omlo bilbel ci hi.
Falam khuapi huam sungah SAC galkap pawl le tual sung mipi thau tawi pawlte kikal kido / kikapna kha 3 val sung bang hi ta hi. Kido / kikapna nasia semsem a SAC galkap pawl in khuapi kim khuate pansan in van lam tawh nasiatak bomb khiat ziahziah ci-in tual sung thau tawi mipi kemcing pawl in gen hi.
SAC in tukha January 11 ni-in gal vanleng zangin Tibual khua zatopi bom khiat hi. Tu-in Falam khuapi kiang Sunthla khua bomb khiat leuleu uh a, mipite lungsim lauthawng sak mahmah, ci-in, tualsung miten gen uh hi.
Hits: 0