Chin state, Falam khuapi lakkik nading a manawh SAC galkap pawl le Chin National Army (CNA) le Chinland Government (Joint Forces) in kha 4 sung kikapna-ah SAC galkap mang 9 leh nautang galkap 200 val si cih thu Chinland Government, Ministry of Defence (MOD) in February 8 ni-in pulak khia hi.
Kalay-Falam lampi ukcip zawh nading a hanciam SAC galkap Div-77 nuai a om battalion 9 pan galkap 1,000 val Chinland Government galkap sutzui (column) 2, 3 leh 4 in nasiatak na do /nang uh hi. Kha 4 sung kikapna-ah SAC galkap mang 9 akihel nautang galkap 200 val si banah, galvan tampi leh a kihingmat (POW) tampi kihel, ci hi.
SAC galkap lam pan gal lel lua uh ahih main van lam pan Jet Fighter leh Y-12 gal vanlengte tawh gal phawnna (Airstrikes) 50 val vei nei uh a, bomb tang vekpi 1,000 val vei khia uh ci hi. Tua banah drone tampi zang uh himah leh tual sung mipi thau tawite in honkhat kap khiatsak zo uh, ci hi.
Falam khuapi pen Chin state leilu lam ah Khuapi lian leh athupi khat hi a, tu laitakin Chin Brotherhood (CB) leh Chinland Council (CC) te ukna nuai-ah om hi. SAC galkap te in Kawlpi panin nek-le-dawn akipan gal thahatna khak zawh nading leh lampi dung lakkik nading nasia takin a hanciam laitak uh ci hi.
Hits: 3