Ukna buluh (SAC) galkapte in tukha March 24-26, 2025 sung Kawlgam bup galkilemna thukikupna khat tukha March 24- 26, 2025 sung Nyi Pyi Taw, MICC-2 Hall ah nei uh a, tua laiah Mualmi Thau tawi pawl khat leh plotical party pawl khat kihel uh hi. Kawlgam sungah galkidona amanlang thei a, a bei theihna ding leh gamsung sumbawl/ sumzuaknate a khantohna dingin hun tom leh hunsau nasepnate zonkhiat theihna ding cihte bulphuh in kikupna nei uh a, SAC Lt. Gen. Ya Pyae, Chairman of the military council’s National Unity and Peacemaking Committee (NUPC) in makaih ci hi.
” Kilemna dingin galhiam zatlohna bek tawh hun sawt akimang kilemna om thei bek ding hi cih thu gam mipite’ sungah theihsakna leh muhsak ding kisam hi” ci-in SAC Lt. Gen. Ya Pyae in genkhia hi. Hih thukikupna neih hun sung mahin Kachin State, Kayah State, Karen state, Magwe Division, Sagaing Division, Bago Division leh Mandalay Region teng ah galkikapna nasia mahmah hi.
Hih kikapnate’ sungah SAC lamte in vanleng tawh Thaupi tuamtuam zangin gam mipite’ teenna khuaneute nasiatak kapin, bomb khiat ziahziah cih thu khuamite’n gen uh hi. SAC makaihna tawh hih kilemna ding vai thukikupna pen leitungbup khemna leh zuaupi thugen taktak uh hi cih thu Kayah State leh Shan State (Northern), teng ah SAC tawh kikapna a nei Karenni National Progress Party (KNPP) pan Mr. Khu Daniel (Central Executive) in genkhia hi.
” Hih kilemna kamkupna pen ko ading khiatna om kilkel lo hi. Gammite ading zong khiatna om lo sem hi. Tua thukikupna sungah akihelte akipan leitung buppi pan a ngai/ a zate khempeuh tungah ka gennop thu in, hih ukna buluh (SAC)te’n tuni ciang dong hong khem bawlna upsawm lai ding i hiam” cih ka gennuam hi ci hi.
Karen National Union (KNU) thugenpi Pado Saw Taw Ni in zong ” hih kikupna pen a mawknapi taktak hi” ci-in nasiatak mawhsak hi. Ukna buluh (SAC) pan kilemna thusung makaipi ahi Lt. Gen. Ya Pyae in bel ” kikupna tawh kisai thukhensatnate pen a taksuahna ding limtak kisemto suaksuak ding hi” ci-in genkhia hi.
Hits: 4