Sagaing Division, Kantbalu Township pan Khin U khuapi lamah galsim ding akuankhia SAM galkap 102 te Kant Balu khuapi leh akim apam a om PDF kipawl khawmte tawh kikaptuahna nei uh a, SAM te’n a galphual (Camp) lianpi khat khahsuah bek tham loin, Battalion Commander leh galkap nautang 50 val si uh a, 15 val kihingmat in, galvan honpi khat zonPDF te’n ngah beh cih thuthak kiza hi.
Tuni November 12, 2025 zingsang (08:50am) hun pawlin Kant Balu township, Wat Toe khua a om SAM te’ galphual pan Khin U khuapi lamah galsim ding akuankhia SAM galkap 102 pen 33rd nuai a om 11th Battalion galkapte pen Kant Balu Township, Yin Taik khua kiangah PDF kipawl khawmte in na kantuah uh a, nai thum sung bang akikaptuah khit teh SAM lamte Battalion commander leh galkap nautang vekpi 50 val si uh a, 15 val galmat in om in, galvan honpi a suplawh uh ci hi.
Hih kikapna ah Kant Balu District PDF special force, Shwebo District No (3) battalion (Khin U), No (25) battalion (Tant Si), Kabo District PDF, Kyauktaing PDF, Ye U Township Duwan Group, Khin Oo PDF, PDF, Phah Lah Pah Group leh PDF tuamtuam kipawlin nasiatak dokhawm uh cih kiza hi.
“SAM galkapte tam si lua mahmah ta uh ahih manin, nitak lam (3.00pm) hun pawl ciangin Northwestern Military District Command (NWDC) phualpi Mon Yua khuapi pan galvanleng Gyrocopter 3 tawh vial nih vingveng gal huh in kuankhia a, Khin U khuapi leh Kant Balu khua kikal tengah asiatak bomb va khiat ziahziah uh himah leh PDF lamte a si, aliam omlo uh hi “ ci-in PDF galkapte khatin gen hi. SAM lamte bel a si, aliam, leh akihingmat tawh guallel lua mahmah uh bek tham loin, galkap 20 kim bek a galphual (Camp) lam zuan kik ci hi.
Tua hi a hih kikapna hangin, Kant Balu – Khin U khuapi kim a om khuaneute ahi; Nga yon Gyi, Sha Taw, Kyauk Taing, Kyi Su, Mon Hla, Tha Wut Hte, Myint Kyah, Thayet Taw, Kin Pit, Man Kyi Oh, Ya Taw, Myint Daung, Thayet Pin Pin Su, leh Thet Tha Pan Taung khuate pan mipi 5000 val galtai uh cih kiza hi. Abeisa September 22, 2025 nung kha sungin zong Khin U leh Shewbo lamzikpi dung kikaptuahna ah SAMte Lieutenant Colonel pawl khat leh nautang honpi khat mah sikhin uh a, Galvan zong tampi mah suplawh uh cih PDF vaisaite in thupulakna nei uh hi.
Hits: 0