Gamvai kitelkhialhna / buaina pen gamvai zia le tong mah tawh kikupkhopna ding Kongkhak kihongden hi ci-in, (78) cinna Kawlgam kipawlkhopna ni (Union Day), February 12, 2025 ni in SAC makaipi Senior General Min Aung Hlaing in genkhia zel hi.
Party namkim Democracy tawh kimakaihna ding i geelna ah khat leh khat ngaihsutna leh deihnate kituaklo thei himah leh i deihnate Thau tawi-in kidona / kilangpanna pen akikhial mahmah lampi ahi hi. Kitelkhialhna leh kilangpannate kikupzia ding lampi man tawh kivengsak thei lua hi ci-in genbeh hi.
Minam tawm mualmite leh Thau tawi kipawlnate tawh gamvai kalsuanzia lampi tawn in, kikupkhop ding kideih mahmah hi ci-in SAC makaipi Min Aung Hlaing in gen hi. Tua banah gampua a om pawl khatin gamsung ah kilangpanna leh kidona a pianna ding hanciam in hong sutuah uh hi ci-in gensiatna nei hi.
leitung gamte kipawlna pan mihing lam tawh kisai zumpi (United Nations High Commissioner for Human Rights (UNHCHR) in abeisa kum 4 sung Ukna buluh (SAC) galkapte’ ngongtatna hangin gammi 6231 valin nuntakna suplawh uh cih thu January 31, 2025 ni-in thusuahna nei uh hi. Tua bek tham loin abeisa kum 2024 sungin Ukna buluh (SAC)te’ ngongtatna hangin mipite mulkim huai takin sihna leh liamna khang semsem ahihna zong UNHCHR in genbeh hi.
Hits: 4