GLOBAL ZOMI MISSION PARTNERSHIP (GZMP)
Honkhiatna Hunpi ah Sapna (Invitation for Launching Program of GZMP)
Dear Leitung kiuli ah kithehthang Zomi /Zosuan khempeuh,!
I biak Topa Jesuh Khrist min tawh hong khutlet masa ung. Leitung hun siatnate’ kawmkal pan i omna leh teenna mun le gam ciatah tuni ciang dong cidam in, maban ciat zom thei zel ding cih i thungetna hisak hang! Pasian deihsakna leh thukim pihna tawh abeisa kum 4, 5 hun lai pek akipan i ngaihsutna, hanciamna leh thungetnate Topa’n hong dawng toto in, Zomite in Jesuh Khris Sawlpi Nasep (The Great Commission) ah mapankhop / kizoptuah theih ding hun manpha khat hong pia ahih manin, Topa min i phat hi.
Zomi Khristiante pen Pasian in a ma tapa Jesuh Lungdamna / Tangthu pha genkhiatna ah hong zangh nuam bek tham loin, a lianpipi in hong zatna sate hangin i lungdamna lianpi Topa’ tungah i puak kik phapha hi. Hih Jesuh Khrist tangthu pha puakkhiat/ sepkhiatna ah tukhang hun ah a zaizaw, thukzaw leh lianzaw i sepkhiat zawhna ding ngimna leh lunggulhna tawh ” GLOBAL ZOMI MISSION PARTNERSHIP (GZMP) cih khat tawh mapankhop / kizoptuah theihna ding kipankhia thei dinmun ah hong makaih Topa min phat hihang.
Tua manin hih GLOBAL ZOMI MISSION PARTNERSHIP (GZMP) min “Honkhiatna leh Topa’ tungah apna- Launching Program of GZMP” hunpi khat nei nuam i hih manin, Khristian pawlpi upzia, sanzia, pomziate leh minam, pau leh awsuah cihte deidan om het loin, a nuai a hungeelna om bangin i kihelkim ciatna ding itna, ngaihna leh Topa Jesuh min tawh kong sam/ cial uh hi.
Ani : November 22, 2025 (Saturday), Asia.
Ahun : 7:00PM, Yangon, Myanmar.
Amun: Online Zoom – Meeting ID: 85758849533; Passcode: mission
Note: Hungeelna Poster Flyer tungah a gam zui-in, Hun leh nai (Time /Hour)te kigelh a, khialhna / kituaklohna om thei ahih manin, Myanmar gam nitak (7:00PM) tawh kituak dingin, ei omna gam hun leh naite sehkik pha ciat ding kong thum uh hi.
Tanute khempeuh tangin,
Sia Khampeek (Tongsan pu)
Norway
Hits: 1