Arakan Army (AA) te’n 2024 kum sungin a nunung pen khuapi lakna ahi Rakhine State, Gwe khuapi kikapna-ah Ukna buluh (SAC) te’ 11th Division, Commander Colonel Than Soe Win leh SAC galkap kigawm 700 kimin sihlawh cih AA in pulakkhia hi.
Gwe khuapi lakna kikapna pen2024 December 15 ni akipan Gew khuapi pansan galkap phualpi nihte ahi; Kha Mah Yah (562) leh Khah Mah Yah (563) battalion te Arakan Army (AA) in nasiatak kap uh a, 2024 December 29, 2025 nitak (12:00pm) hunin hih Gwe khuapi a phualsat ahi Battalion 2te nikha sungin lakhiazo uh ahi hi.
“Battalion 11th Comander Colonel Than Soe Win akihel Commander pawl khat leh adang galkap nautang tampi si hi. Kikapna hangin akisia Sik mawtaw pawl khat, galvan thauvui thautang te leh galmat tampi mankhiazo uh hi. Gwe khuapi kikapna a kipat pan a tawl dong SAC lamte a si vekpi 700 val si in, galphual a si te, akihingmatte’ thugenkikna pen leh ciaptehna lai tungtawn in kitheikhia hi” ci-in AA te’n pulakkhia uh hi.
Gwe khuapi lakna ah Ukna buluh (SAC) phualsatna Battalionte banah Gwe khuapi ah gal huh apai Battalion (66) khut nuai Khah Mah Yah (4), Battalion (11) khutnuai Light Infantry Regimentte ahi Khah Mah Yah (214), Battalion, Khah Mah Yah (215) Light Infantry Regiment leh Khah Mah Yah (217) Light Infantry Regiment, Southwestern Regional Command khut nuai Khah Lah Yah (36) Battalion, Khah Lah Yah (38) Battalion, Khah Lah Yah (93) Battalion, Khah Lah Yah (271) battalion leh Khah Mah Yah (308) battaion cihte khat khit khat tawlnga loin do to ngekngek cuh cih kiza hi.
Hits: 0