Hong Kong gam Hongkong khuapi ah Tower building meikatna ah mi 93 si ta in, 300 kim meikatna sungah kangtum / mangcip cih thu tuni November 28, 2025 ni zingsang lam ciangciang thupuak kingah hi. Mi tampi sihna leh mancipna hih Innpi meikatna-ah Hong Kong Insurance Company Autorityte in innkang te leh a si amangte’ ading Insurance sum ngetna nasiatak tuak ta ding uh hi. Hih buaina lianpi tungtawn in Hong Kong khuapi ading kidopna leh kiginkholhna khat zong hi dingin kigen hi.
Hih meikatna- ah Insurance bawlna ahi China Insurance in meikatna / siatna ading liau sum HK$2 billion ($260 million) piakkhiat / liau kha thei dingin South China Morning Post in genkhia hi. Hong Kong ah thukhun (Law) tawh kizui-in, mihing khatin sihna, Inn leh lo tuahsiatna / supna khat peuhpeuh ah liau sum HK$20 million piak ding ahihna thu South China Morning Post in genbeh hi.
Meikat kipat ni akipan Hong Kong Insurance nasepnate kiam lawh pah hiai hiai zo ci hi. Thu dotna leh liau sum (Insurance) ngetnate veen sakna dingin Hong Kong Insurance Autority in Special Team khat phunkhia ta uh ci hi. Liau sum tawm bek akingah khak ding lunghimawhna tawh Insurance abawl innkang thuakte in Insurance Company te’ tungah a manlang thei-in, thu kizaksak ding cih thu Kumpi in pulakna nei uh hi.
Hih zahtak a nasia Innkatna a hang pen kikansan laitak himah leh thutheite’ genna ah Wang Fuk Court ah meikang vai thubulte leh Photo, video file te kigenkhin ta ci hi. Innkangte kilamkikna ding akim ah scaffolding and pipes cihte kikoih khin ta ci hi.
Inn sangpi (tower building) kim ah a kang baih thei van kikoihna in, lau huaina/ meikuang a samsam tawh kibang hi ci-in, Australia gam New South Wales, engineering Professor Mr. Kwan Yew in gen hi. Gua tawh kibawl scaffolding te in lauhuaina a piansak bang mahin, a tung lamah kikoih Inn lamna van zatte hangin, meikang baih tuam mahmah hi ci-in, John Jay College of Criminal Justice ah associate professor Charles Jenning in genbeh hi.
Inn dawl sang (Tower building) te pen sang lua mahmah a, Building khat leh khat kineh luatna hangin zong meikang baih mahmah lai dingin gen hi. Inn sangpi khat ii a pua lam a om a tungsang lamah Meikang pen phelh zawhna ding kuakua Meiphelh zumpite in Vanzat kicing nei hetlo hi ci-in genbeh lai hi.
Hits: 1