Bago Region, Kyaukgyi Township, Kyungyi village ah kiteenna Mopawi bawl laitak May 25, 2025 (08:00am) hun pawlin Ukna buluh (SAC)te’n Vanleng tawh bomb khiat mikmek uh a, Mopa le monu banah mopawi sim khuamite tawh vekpi kigawm12 si uh a, 20 kim liam uh cih kiza hi.
” Khua sungah Mopawi kibawl laitak ahih manin, mipi lom omna suakin, thupuak sim om hikha ngel ding hi. Vanleng in hong encik in hong kap cih dan hi loin, Mopawi bawlte’ inn ngiat mah hong kap uh himai hi” ci-in khua sung mite khatin genkhia hi. A site’ sungah kum 6 leh kum 10 pha naupang 2 kihel ci hi. Hih Kyungyi khua pen khua lian mawhlo khat ahih manin, mihing phazah zong tawmlo hi. SAC leh PDF kikap/ kidona khua zong hi peuh mah lo lai hi” ci-in khuamite’ tung pan kizasawn hi.
SAC ten ahih leh Vanlam pan mipite bomb khiat sukin kaplup mai ding bekbek ngimna lianpen in a neih laitak uh ahi hi. Abeisa may 12, 2025 ni-in zong Sagaing Region, Depayin Township, Ohh Tein Dwin khuaneu ah Pil sinna sang khat pen vanlam pan bomb khiat uh a, sangnaupang 22 leh Siamah 2 tawh sipah uh hi.
Hits: 6