Chin State, Tedim township, Tedim leh Tuithang – Tungzang kizopna Manipur (Meitei) Gunlei pen CNF makaih Chinland Council member ahi PDA kici Zomi min pua Thau tawi pawlin abeisa January 5, 2025 ni akipan Gunlei khak cip uh a, Gun gal lam a om khua tampi in haksatna tampi tuak lawh uh ci hi.
Adiakdiak in Kawlpi – Tedim pan vanlei / vanlakna leh nopna dahna, Zato vai cihte akipan thu phamawh leh vai thupi tuamtuamte ah hun kilap zolo in, haksatna tampi neih lawh uh ahih manin, January 11, 2025 ni-in, Gunlei kiangah mipi 500 valin Lungphona (Demonstration) nasiatak nei uh cih kiza hi.
”Hih Gunlei pen mipite’n nisim a zuih / atot uh Gunlei thupi mahmah khat hi in, mipi tungah theihsakna omlo, mipite’ thukimna omlo pi-in hong khakcip uh pen kicimawh lua bek tham loin, akithuakzo nawnlo a mipi in lungphona kinei / kingen khia kik suak hi” ci-in Tedim tual sung mi khatin Tongsan Media ah gen hi.
Tua banah CNA /CC te in Tedim khua sungah galphual sat sawm leh galdo sawm cih kiza ahih manin, a manlang thei penin a khawlkikna dingin January 9, 2025 ni mahin Tedim khuami bupin lungphona nei uh ci hi. Hih CNF /CC pawlin Tedim khuapi a laksawmna tawh kisai CNA makaih Chinland Council member ahi PDA (Tedim) makaite Phone tawh a hopih hang in Phone len nuamlo uh ci hi. CNF /CC pawlin Tedim khuapi a laksawmna hangin khuamite lau thawng uh ahih manin, Inn le lo vante kituahkhia ziahziah in, Tedim khuapi nusia in a taikhia mipite nisim in a tul asim kibehlap zel cih kiza hi.
Hits: 9