India gam, Mizoram State ah nung nipi kaal sung guah tam luatna hangin Mizoram state buppi phial ah tui khang in khua tampi kicim ci hi. Tua bang a memcipna lakah Champai District sung Vaphai khua a om Myanmar gam pan galtaite’ Inn sapna zong May 31, 2025 zingsang lam 04:00am hunin guah tam luatna hangin kicim in, inn sap innkuan khat mi 3 si cih kiza hi.
Tua a site pen Sagaing Division, Kalay Township, Vukbuak khua pan Mizoram, Vaphai khuaah galtai ahi; Pu Lenkhuaithanga (Kum 71), Pi Lalneihthuami (Kum 48), leh Pi Lalramniengi (Kum 34), naupaii khali cihte in nuntakna bei lawh cih thu Mizoram News te’ tungtawn in kitheisawn hi.
Naupaii laitak ahi Pi Lalramniengi ii pasal Pu Pekhmingthanga leh Lalzama te nih bel Pasian huhna tawh suakta zo uh a, ahi zongin liamna ngah tuak uh ci hi. Mencipna hang a si 3 te’ luanghawm pen Vaphai khua Community Hall, ah YMA te’ makaihna tawh May 31, ni mahin hankhuk sung khatah kivuiikhawm pah cih kiza hi.
Tua banah Mizoram State, Serchhip khuapi kicihna zongah May 31, ni zingsang tung mahin Mencipna ah khuami khat lei-in vukcip ci hi. Longtlai khuapi zongah June 1, 2025 ni tak lamin Hotel khat leh Inn 5 kicim in, a si a liam om banah mencim sungah awkcip pawl khat kilakhiazo cih kiza hi.
Hits: 6