Myanmar ukna buluh (SAC) galkapte in Kawlgam sungah mihing suahtakna /tanvo lam leh Biakna vai Khaktanna thukhun (Human Rights leh Religious Freedom Law) tawh kisaia palsatna vai suksia semsem ahih manin, America Innpi (US Parliament) ah thupuakna neih theihna ding kikupna pen Washington DC, Dirksen Parliament Building ah abeisa Feb 3, 2025 ni-in, kinei thei hi.
Tua kikupna ah Myanmar galkap (SAC) te’ gamtat siatna tawh kisai US government in vaipuak hong laksak zawhna ding Maryland State Senator (Upper) Democratic Party palai Chris Van Hollen tungah thusunna kineithei cih thu tua meeting akah Ma Aye Tanht Shin in genkhia hi. Myanmar gamah SAC galkapte gitlohna leh tatsiatna (Human Rights) palsatna, Biakna Suahtakna thusimlohnate leh mualmi Minam tawm Christiante a bawlsiatna thute US Parliament ah thusunna nei uh hi.
Hih meeting ah kigenkhia thute Maryland State sung a teng Maryland Chin Association (MCA) makai CEO ahi Pu Zo Tum Hmung in a nuai abangin gencianna nei hi. ” Tuni kong pulak ding thu pen SAC galkapte in Human Right and Religion lam thukhun palsatna leh Christiante a bawlsiatnate gen masa nuam ing. Minam tawm ahi; Muslim, Hindu leh Christian Biaknate simmawhna leh adiakdiak in Christian tamna Chin leh Kachin state te a bawlsiatnate limgen nuam pha diak ing.
Tua banah gam makai leh biakna makaite manin, thong khum bek tham loin cikzia hetlo in hong thahlup sak uh hi. Hih bang gamtatna pen International Law, Crimes Against Humanity leh War Crimes cih thukhunte palsatna taktak ahi hi. Tua banah Interim NUG President Duh Wa Lashi in zong Online Zoom Video Clip thu kong honna nei hi. Amah in a genna ah abeisa 2021 February 1, ni akipan ngongtat (SAC) galkapte in Mipi thuneihna a suhkhiatsak pen mangngilh theih ding hilo hi.
Rohingyate tungah a gamtat siatna, Biakna vai ah Chin leh Kachin gam a Christian Biakinn a suksiatte leh Biakna makaite a thahna thute Maryland State Affair Parliament Democratic Senator Mrs. Chris Van Hollen Video File tawh a khakte America Parliament ah gensawn / pulakkhiat dingin cialna / ngetna nei hi.
Myanmar mipite gentheihnate leh SAC in a gamtatna uh a khawlna ding thute leh America kumpi in zong SAC te thuhilhna a neih theihna dingin Republican Party leh Democratic Party nih kigawm in nasiatak nasem ding cihte genbehna nei hi. US Parliament in asep dingte pen;
(1) SAC galkapte in a gamtat khialhna uh mawh puakna nei ding (Inn le lo a suksiatna, mipi a thahlupte, neihsa vante leh a thuak ding Dante), Tua banah Myanmar gamsung thukan (IIMM), ICC, ICJ cihte in Myanmar SAC te tungah thubawl Gambia gamte a panpih (Support) kisam hi. Tua banah SAC galkapte gamtatziate a kankhia / a ciamteh Media tuamtuamte zong panpih kisam hi. Galkapte gamtat ki encik den cih akiteltheihna ding USA in SAC te khauhtak thupiakna neih ding kisam hi.
(2) Myanmar gamah kidonate pen Diplomatic level tawh kizui-in, Kilemna ding vai holimna neihna ding leh Myanmar mipite amau leh amau suaktatak ki-uktheihna bawlsak ding. (3) SAC Galkapte a panpih den ahi China tawh kiholim theihna ding. Myanmar mipite sang amau metna ding Silk Road Project bek thupi sim uh hi.
(4) Myanmar galkap (SAC) te Guhgawi (Sanction) theihna ding nasiatak panlak ding. Galvan kihello Huhna, panpihnate leh BURMA ACT a tangtunna dingin US Government thakin Full Support ding
(5) Myanmar gamin Democracy taktak a ngah theihna dingin UNO, ASEAN , CHINA makai bulpite a tuam in US Government in kimuhpih ding gelna om hi. Tua banah abeisa 2020 Kiteelna vai zongah kikhemna leh zuauna cihte kiphallo in, SAC galkapte pen a gualzo Kumpi hi thei ngeilo hi.
THUGENNA NEI: Indiana State Senator Republican Party pan Mr.Todd Young, AI- USA Asian Affair Director Mrs. Carolyn Nash leh International Religious Freedom Affair Commission Chairman Mr. Stephen Schneck te in zong thugenna nei uh hi. Tua banah Rev.Dr. Stanley Cung (Emanuel Baptist Chin Church), Wisconsin State,USA in a genna ah, ” Thantlang khuapi ah SAC Galkapte in a sanggampa Rev. Cung Biak Hum a thah sakna mit tawh a muhna thute zong gencianna nei hi.
Thukikupna: Hih hun sungin Burma Refuegee Commission Superintendent asem laitak leh America Baptist Churches G/S sem ngei Rev. Dr. Robin Stoops leh Maryland Chin Community te Policy Affair Advisor Virginia Farris akipan NUG Minister khat ahi Dr. Sa Sa leh Rev. Dr. Hre Kio cihte zong kihelthei in thugenna nei uh cih kiza hi.
Reported: Tongsan Media
Hits: 3