America gam sung bitna lam zumpi leh mipite bitna zumpite ( National security and public safety of the United States)in Myanmar leh adang gam 12 pan gammite USA ah khualzin theihna (Visa) pia nawnlo bek tham loin, nasiatak khaktan ding ci-in US President Donald J. Trump in tuni June 5, 2025 ni-in suaikaihna (signature) nei taktak cih thu CNN News in pulakkhia hi.
America gamah khualzin thei nawn vetlo ding a khaktan gam 12 sungah Afghanistant, Myanmar (burma), Chad, the Republic of the Congo, Equatorial Guinea, Eritrea, Haiti, Iran, Libya, Somalia, Sudan leh Yemen gamte ahi hi. Tua kikhaktan gam 12 te’ sung pan gammite peuh mah USA gamah kipaisak ngiatlo ding ci hi.
Myanmar gammite USA gamah pai theihna akhaktanna ahang bulpi pen USA gam sung a tun khit ciangin, Visa hun khengval (Visas overstaying) khit dongah thuman loin a mawk om suakna hang uh ci hi. USA gam sungah B1/B2 Visa tawh hun khengvalpi a om 27.07 % (percent) kimukhia a, F,M tawh J Visa hun khengval (Visas overstaying) tawh 42.17% (percent) om uh hi. Tua banah USA gam pan a kihawlkhia Myanmar gammite pen a kisankik theihna ding lampi om thei nawn ngiat lo hi ci-in US White House in tangkona nei uh hi. Hih Tangkona pen June 9, 2025 (12: 00am) hun ciangin kizangthei ding hi ta cih tangkona sungah genkhia hi.
USA gam luttheihna a langtang akikhaktan gam 7 om a, tuate pen; Burundi, Cuba, Laos, Sierra Leone, Togo, Turkmenistan, Venezuela te ahi hi. Tua hi a, USA gamah a tawntung om theihna (Permanent residents) a ngahte, tulaitak lian a Visa neite (current visa holders), Visa nam a tuamtuamte (certain visa categories) leh USA gam ading phattuamna a pia mite bek paulap bang mah kisam loin, USA gam sungah kilutsak / omsak thei bek ding ci hi.
Hits: 2