Karen State, Myawaddy Township, Lay Kaykaew ah Ukna buluh (SAM) gal mainawkte leh Karen National Liberation Army (KNLA) makaih PDF belpawlte October 31, 2025 ni-in kikaptuahna nei uh a, Ukna buluh (SAM)te honpi khat si banah galvan tampi ngah beh cih kiza hi.
Ukna buluh (SAC) pawlin mai December 2025 sung abawlsawm uh kiteelna a lawhcinna dingin mihing tha (manpower), hightech drones, Thaupi leh Missiles, akipan vanleng tawh nasiatak galdona nei uh a, Myawaddy Tsp., Yathi Gu, Min Let Paan leh Plu village tengah galkap a honpi tawh gal mainawkna nei uh ci hi.
Tua gal mainawkna ah 22nd Division khut nuai a om galkapte makai in abeisa October 31, 2025 ni-in KNLA leh a pawlte tawh kikaptuahna pan SAM lamte a honpi si uh a, a liam zong tampi om banah a galvante uh tampi kingahkhia ci hi. SAM galkapte pen KNU /KNLA makaih Strategic (32) Black Panther Column, Cobra Column, Vinon Column, Justice Soldier Column leh the Joint Revolutionary Forces kipawl khawmte in nasiatak do khawm uh ci hi.
Ukna buluh Min Aung Hlaing kumpi ii makaih mai December kiteelna ah mipite in Mee khiatloh ding hanthotna leh hih ukna buluh (SAM)te akibullot zawhna ding lungkituak takin mapang khawm a, dokhop dingin Black Panther Column galkapte in thusuahna nei uh hi.
Hits: 2