Mandalay Division, Myingyan khuapi huam a om khuanote a haltum Ukna buluh (SAC) galkapte’ phualsatna pen mipi galkap (PDF) te’n buluh in, nasiatak kikaptuahna om a, SAC galkap 7 si hi ci in Freedom Fighter Guerrilla Force pawlin December 12, 2024 ni in pulak uh hi.
Abeisa December 6 ni-in SAC galkapte leh Pyusawhtee te kipawlin Thit zone khua sungah Inn halin a om laitak Freedom Fighter Guerrilla Force te tawh minutes 30 sung bang kikaptuahna nei hi. Tua kikapna ah SAC leh a sawltak Pyusawhtee te a si aliam om pelmawh dingin ummawh uh ci hi.
Tua banah Lethit khuano zongah phualsat a om Ukna buluh (SAC)te leh a sawltak Pyusawhtee te pen Freedom Fighter Guerrilla Force te’n Thaupi 60 MM namte tangpi 3 tawh kap uh a, SAC lamte leh a sawltakte kigawm 7 si-uh a, 3 nak liam mahmah cih kiza hi.
Hih kikap tuahna ah mapang khawmte pen Freedom Fighter Guerrilla Force, Myingyan 35, 8 STARS, Pyi chit Tha leh Underground galkapte (Guerrilla Force) cihteng kipawl khawmin, nasiatak galdo uh cih kiza hi.
Hits: 4