August 5, 2023 || Tongsan Media Group ||
Magwe Division, Yesayo twonship, Yehlekyunt munah August 4, 2023 ni zingsang lamin mipi galkap (PDF) te sungah amau leh amau kikapna hangin khat si cih kiza hi. Nai lang sung bang kikapna sungah MG 6 Guerrilla army (Omna kitheilo galkap) kici PDF pawlte’ makai Maung Chan (Kum 27) pen si ci hi.
Tua omna kitheilo galkap (Guerrilla army) pawlte pen Irrawaady gunpi kim Mandalay Region, Myant Kyan district pan hi a, Yesayo township Yehlekyun ah phualsat uh cih kiza hi. August 3, nitak lamin People Defense Force (PDF), khuano makai khat ii inn pen MG 6 Guerrilla army te’n thau lawnin buluhna pan kipan uh hi-in, tuni August 4, ni-in PDFte amau le amau kikal kikapna ciang dong piang cih thu Yesayo township PDF pan min kigen nuamlo khatin genkhia hi.
” Khuano PDF makaipa a inn ah om loin, a tate 2 leh a zi pen MG 6 Guerrilla army pawl te’n man uh hi. Tua teh Yehlekyone a om pawlte’n thuak zolo in ngen kik uh a, pia nuamlo uh ahih manin, kikapna piang hi. Khuano PDF makaipa’ zi leh Kum 13 khat leh kum 6 a tate nihte MG 6 Guerrilla army te’n mat sak uh ci hi.
Tua amat uh innkuan nuta 3 te khahkhiat kik mengmeng ding Yehlekyun a phualsat PDF te’n a va ngetna pan kikaptuahna piang in, MG 6 Guerrilla army makaipa si -in, tua amau pawl pan 2 man uh cih kiza hi. Yehlekyun mun ah MG Guerrilla army te pen ngongtatna / Taimangpihna , temta lakin tawnbawlna khamtheih guihtheih zuakna cihte sem den uh ahih manin, NUG Ministry of Defense tungah thupuak uh cih thu Yesayo PDF khatin gen hi.
” Hih MG 6Guerrilla army te’n man in sum ngen den uh hi. Khatvei zong Phungzi khat leh midang khat mang ngei uh hi. Tua banah amau Mawtaw pen MG 6 Guerrilla army te’n zatsak uh hi. Aman takin gen mai leng amau ginatlohna a tam semsem ciangin Ye Hle Kyun khuamite’n zong thuakzo nawnlo uh ahihna hangin, hih ciang kitungto ahi hi” ci-in khuamite’n gen hi. A tung a thute tawh kisai in, MG 6 Guerrilla army te’ lam pan thumna leh zaksakkikna cihte bang mah om thei nawnlo banah tua MG 6 Guerrilla army pawlte kiang pan thudotna kinei nawnlo ci hi.
Source: Myanmar Now
Translated: Tongsan Admin Team
Hits: 13