Karen State, Phapon Distirct sung a om Ukna buluh (SAC) Camp thupi khat ahi Three Mountain Camp leh Sin Swe Camp te mipi galkap PDF kipawl khawmte in a vekpi-in lakhiazo cih thu PDF Southern Military Region No. 2, Sub-Division pawlin December 12, 2024 ni, sun lamin tangko khia uh hi. Abeisa December 7, 2024 ni-in Sin Swe Camp pen lakhia masa uh ci hi.
Tua banah December 11, ni zingsang (05:00am) hunin three Mountain Camp kicihna nasiatak do uh a, a vekpi in lakhia leuleu cih PDF pawlin pulak uh hi. Revolution pawlin a lakhiat uh hih SAC Camp nihte pen galdona (strategically) ading mun thupi mahmahte ahi hi. Phapun- Kama Maung kizopna lampite khakcipna ding Camp te hi ci-in, PDF Southern Military Region No. 2, Sub-Division, te in gen uh hi.
Hih SAC Campte nih lakkhiatna pan galvan 120MM leh 81 MM Thaupite akipan thauvui thautang lompi ngah beh uh cih gen uh hi. Hih SAC Camp nih kapna ah Revolutionary group pawl ahi; PDF Southern Military Region No. 2, Sub-Division, Karen National Liberation Army (KNLA), People’s Defense Forces (PDF), Burma People’s Liberation Army (BPLA), leh FFD (Drone Force) cih teng kipawl khawm uh cih kiza hi.
Hits: 2