Kayin State, KNU Brigade 5 area, Phapon Township, Khawpoh SAC te Camp buluhna pan akiman Captain 3, akihel gal mat 17-te lak pan a liamte pen KNU in limtak bawl uh cih thu KNU News-ah kipulak hi. Abeisa October 29 – 31, sung KNU / KNLA Brigade 5 leh akipawlpihte tawh Phapon Township, Khawpoh Camp buluh in, nasiatak kikap ziahziah uh hi.
Tua kikapna pan Camp nusia in a taimang SAC galkapte KNLA pawlin a zonna uh pan a hingmat uh SAC te 17 leh a galvan uh honpi ngah cih kiza hi. Tua akimatte lakah ခမရ (340) pan Deputy Commander / တပ်ခွဲမှူး 1, ခမရ (341) pan Deputy Commander /တပ်ခွဲမှူး khat, ခလရ (19) pan Deputy Commander / တပ်ခွဲမှူး 1, leh ခမရ (340) pan ဆေးတပ်မှူး 1, kihel in, tuate’ lakah a liamte pen POW (Prisoner of War – POW) te’ sepzia tawh kizui-in zatui zaha tawh limtak kibawl hi, ci-in KNU in genkhia hi.
Khawpoh Camp lakna-ah SAC lam pan luang 14, Deputy Commander level Captain 3, kihel galmat 17 te pen galvante tawh kimancip hi in, SAC te’ galvan 60mm mal 11, RPG te mal 7, 81mm khat, K-3 letmat 9, leisung bomb khat, တိုပီတို thoh 19, 16- khesik mine 16, 14-khesil mine 10, kidona bomb 9, ဆက်သွယ်ရေးစကားပြောစက်ကြီး 2, 60mm thautang 13 leh RPG-7 thautang 5 cihte ngah khia uh hi.
Hits: 4