Chin state, Tedim township, Tedim – Taingen mawtaw lam zikpi dung teng kiang a lakhia zo Ukna buluh (SAM) galkapte in Taingen khua ah Mine sikkhial uh a, 7 si in, 17 val nasiatak liam uh cih thu kiza hi.
” Ukna buluh (SAM) galkapte bel Tedim pan galdo in a pai uh hi-in, Taingen lampi dong luah kikzo uh suak phot. Zannitak lamin Taingen khua hong lutzo uh hiven, ko CDF CDM Siyin te’ koih Mine sikkha uh a munah 7 sipah a, 17 val liam cih ciang mukhia phot ung” ci-in, CDF Siyin ten genkhia uh hi. Tedim pan galkuan vekpi pen 100 val uh a, tulaitak dinmun ah Taingen khua leh a kim a pam khempeuh a luahzo suak phot uh hi. Ahi zongin galmai nawkna maban bel zom nawnlo uh ci hi.
” Taingen khua zang buppi bel Ukna buluh (SAM)te a lut ma pekin a taikhia uh hi in, zanni November 9, ni SAMte Taingen khua a lut uh ciangin khuamite khat zong om nawnlo uh hita” ci -in CDF Siyin te’n genbeh uh cih kiza hi. SAM pawlin Tedim – Taingen kikal a luah zawh hangin, Kalay – Taingen kikal bel CDM CDF Siyinte mahin ukcip zo lai phot uh cih kiza hi.
Abeisa nung kaal sungin zong Tedim pan Taingen lam zuan in gal mainawk a kuan SAC galkapte pen Dimlo – Canedy kikap tengah PDF-Zoland te tawh kikaptuah uh a, SAM te 40 val si-in, honpi khat liam uh ci hi. SACte’ galvan manpha honpi khat zong ngah beh lai uh ci hi. Mipi galkap PDF-Zoland lam pan zong ngalliam galhang tangval 2 in gam leh minam suahtakna ding a nuntakna piakhia cih kiza hi. Tua banah SAM te’ mimat khua tuamtuam pan sanggamte mi 14/15? zong a vekpi in lakhia / honkhia zo uh cih kiza hi.
Hits: 1