Chin State, Tedim Township, SIYIN thuneihna huam ahi Taingen khua ah June 20, 2024 ni-in Ukna buluh (SAC)te lutkik uh a, Taingen khuazang Inn khempeuh phial mei tawh haltum cih CDM/ CDF- Siyin makai khatin genkhia hi. ” Zanni June 21, 2021 nitak lam akipan kikapna nasia mahmah a, CDF CDM Siyin te’ koih landmine te hangin, SAC galkapte a si aliam honkhat mah om tuak “ ci-in khualzin khatin gen hi.
Taingen khuazang bup Inn vut leh vai suak khin ta! Ka theih khialh kei leh inn 3 bek cian lai in teh! Sanginn bel zannitak mahin kangtum khin ta ” cih meikatna tawh kisai genbeh hi. Taingen khua pen Kalay – Tedim, Kalay – Falam kikal lampi tungah om Inn 40 val deuh apha khuaneu khat ahi hi, Kalaymyo pan Khamtung lam kahtoh ciangin Tawlngakna mun ahih manin, akithei mahmah khua khat zong ahi hi.
Taingen Operation pen CNA leh Chinland Council belpawlte in abeisa January 16, 2024 ni zingsang lamin, busim in lakhiazo uh a, kha 5 sung kepcip khit nungah SAC ten luhkik suak hi.
![](https://tongsan.org/wp-content/uploads/2024/06/448611973_802978831900911_95441507422394294_n-2-1.jpg)
![](https://tongsan.org/wp-content/uploads/2024/06/448922711_802979058567555_5294567523668855660_n-2-1-1024x621.jpg)
Hits: 4