Chin State, Hakha khuapi ah phualsat a om Ukna buluh (SAC) galkapte tukha November Nipi kalmasa sungin Thantlang khuapi NLD Office ah phualsat in om uh ci hi. November 8, 2024 ni-in Chinland Council (CC) pawlte tawh ” Tilim Operation-4,” cih min tawh nasiatak kap tuah uh hi. Tua kikapna ah Ukna buluh (SAC) lam pan Lieutenant Colonel leh Platoon Commander kihel SAC galkapte 10 si ci-in, CNF Spokesperson Salai Htet Ni in genkhia hi.
Ukna buluh (SAC) te pen Thantlang gam NLD office ah pualsat in om uh a, nisim in Jet-Fighter limzat mahmah uh ahih manin, amau omna mun buluh pen a baih hetlo ahihna thu Salai Hteet Ni in genbeh hi. Chinland Council in Tilim Operation-4, a gualzawh mateng SAC tawh kikap / kidosawm lai phot ta dih ahih manin, mundang Operation neih beh ding maban geelna kineizo nailo phot dingin Chinland Council makaite’n gen uh ci hi. Tukum December kha Christmas leh Kum thak ading Tilim Operation-4, galdona a kizawhna ding mipi te’n thungetpih dingin ngetna nei uh cih kiza hi..
Hits: 3