USA gam leh leitung gam thupite ah mawtaw, Inn leh lote Insurance nei lopi-in, kilei / kizang theilo hi. Ahi zongin hih Life insurance pen US gamah neih loh phamawh cih thukhun (Law) a om loh hangin, mai lam thusaupi a mute leh innkuan pihte a khual mite ading neihloh phamawh thukhat ahi hi. Tua manin hih Life Insurance i cih pen natna leh sihna khat peuh akituah ciangin, a nung sangah a damlai innkuante ki-etna (or) hamphatna suak ahih manin, neihloh a phamawh a thupi mahmah khatin a kingaihsun ahi hi.
Hih Insurrance Company vai tawh kisai US kumpite leh mimal akipan kipawlna (Company ) lianpipi kiphuankhia in nasiatak nasem uh hi. Tua Life Insurance Companyte sung pan Fidelity & Guarantee Life Insurance company tawh akizom ahi “Freedom Equityi Group (FEG)” kici te’n amau Company ah thumaan leh cihtakna tawh nasem in, Kum 1 sung sumlut (one year income) $100K a ngahte Company share holder hih theihna pia in, Company khantohna tawh kizui in Company nei te’n a meette hawm khia zel uh hi.
Hih FEG Company in tukum 2024 in $100K ngah sa Company Share Holder te tungah Share hawm khiatna hunpi pen June 22, 2024 ni in USA gamah khuapi minthang mahmah khat ahi Las Vegas ah nei uh hi. Tua laiah minam tuamtuamte sung panin Tulsa khuapi ateng Nu Dim Cing (Mang Nu) leh Pa Kam Suan Mang (Tungzang) te’ nupa in Company Share holder TOP 7 Level ah ngah uh a, Pahtawina / Thaman US$ 1.72 Million val hong ngah uh cih kiza ahih manin, Tongsan Media Group pan Lungdampihna i pulak hi.
Tua banah amau patkhiat kipawlna sung panin Kawlgammi seppih a lawm dangte mi 60 kimte in zong Pahtawina ngah ciat uh a, tua sung pan Nu Cing Nuam Ciang in zong US$ 0.56 Million hong ngah ci hi. Adangte in zong $ 2000, $1000, panin $500K kikal amau share neih zah tawh kizui-in ong ngah ciat uh cih kiza ahih manin, Zomite hih dinmun ciang dong hong makaih leh hong lamsang i biak Topa’ min i phat hi.
Hih Life Insurance koihna / neihna i deihna bulpi taktak pen mihing khatin sihna khat a om leh a dam lai innkuanpihte ading gamh nusiat tawh kibang ahi hi. Tua banah dam lohna tawh Zato kilahna ciang bek hi loin, adiakdiak in damlohna hikpi (Critical Illness) kici lungtang natna (Heart Attack) leh Cancer natna (Chronic Illness) ahi amau leh amau kikep kikhoi zawhlohna ( Terminal Illness) Lam et bei in Kum 2 sung bek dam lai dingte amau nuntak sung mahmah in Amau Insurance lakna pan Siavuan (Doctor) te’ letmat tawh thohthei bek tham loin, akibawlna sum beite panpihna ding lampi sial sakna ahi hi.
A zenzen in, a dam kik leh zong a sum thohte Company ah piak kik / loh kik kul nawnlo hi.
Kum sawtpi a damte aa dingin phiangsiah piak kullo (Tax free retirement plan / pension) sum kholna zong tawh akigawmkhawm pah ahi hi. FEG te in natna hikpi (Critical Illness , chronic illness leh Terminal illness) lam, lungtang natna lam (Heart-Attack) leh Cancer natna lamte leh tax free pension sum khol na te bulphuh in “Life Insurance Service” lim piakzaw lai uh hi.
Tua ahih manin hih “Life Insurance” neihna tawh sumlepaite zekzia (Financial Management) lam a siam ding leh hauhna, nopsakna lamah a khangto thupha a ngah semsem dingin Zomite i biak Pasian in hong makaih suaksuak lai ta hen!
Theihsakna: Hih Freedom Equityi Group (FEG) Company tawh kisai USA gam sung pan a lunglutte in, Nu Dim Cing, Email: Dcfegbuilders16@yahoo.com, Facebook: https://www.facebook.com/dim.cing.777?mibextid=LQQJ4d cihte tawh kizomthei ding cih kiza hi.
Hits: 19