“Spider Web Operation” kici galsimna min pua in Ukraine in Russia te’ bomb khia galvanleng namte’ phualpi ahi Belaya, Diaghilevo, Olenya leh Ivanovo airport 4 teng May 31, 2025 ni-in Drone khiat in, Russian galvanleng mal 41 suksiatsak dikdek uh hi. Hih vanleng 40 val a kapzan theihna dingin Russia te’ gamsung gam simtham mun khat pan Security Bearue of Ukraine (SBU) te’ vaihawmna tawh Drone bekbek zangin, zan thapai in a kap uh ahi hi.
Hih bomb khia galvanleng 41 a kapsan sakna ah USD 2.2 billion val suplawh uh ci-in Russia kumpi lam vaisaite in gen uh ci hi. Ukraine gal bitna lam zumpi (SBU) te’n Kyiv Post tungtawn in a genna ah” Web” kici galsimna in Russia galvanleng phualpi (Russian Air Force Base) te ahi; Belaya, Diaghilevo, Olenya leh Ivanovo teng mah muitun in kikap ahi hi ci uh hi.
Tua vanleng kapna ah Ukraine khuapite nisim bomb khiatna ah akizang Tu-95 leh Tu-22M3 bomb khia vanleng namte banah A-50 vanleng line pan a manlang kiginkholhsakna leh kikepna lam vanlengte akipan galvanleng Dozens tampi suplawh uh ahi hi.
” Ko, Drone te ahih leh bel tu’n ka galte’ nung lam gamlapi tung khin ta hi. Tua mun teng panin mipite bomb khiat dingin, a kithawi galvanlengte hi. Tua manin Russia te’ gamtat/ ngongtatna a bei siangna ding hita” ci-in, SBU thuthak saite khatin genkhia hi.
Kyiv Post pan kingah khia Video file ah vanleng tual tampi ah a puakkham theite leh a kangtum thei a piang sak vaite kitheihna ahi hi. Belaya galvanleng tualpi pan kingah Video khat pan bel a nasia mahmah mei kuang kimu in, Ukraine thukan mangpi (UBS) Chief Lieutenant General Vasyl Maliuk ii awsuah hi cih thuthak saite’ genkhiatna Russia area sungah a puakkhamte pen Ukraine kam lawhna ” Bavovna” a gennopna hi cih thu kiza hi.
Bitna lam zumpi lam a om Kyiv Post in thuthak phualpi pan akipia video nihna ah tua Ukraine thukan zumpi (SBU) Drone te in Russia te’ galvanleng pual a khawl zihziah Russiate’ galvanlengte a sukzansak hun a lakkhia/ theisak hi. Kyiv Post in beltua Video File te’ a man/ a dik ahih zia kipsakna kician om thei nailo hi. Hih kikap/ kidona pen kumkhat leh a lang akiging den ahi President Volodymyr Zelensky ngiat in thusai /vaihawm pa ahihna Thuthak saite’n genkhia hi.
Tua thu pen Ukraine bitna lam (SBU) makaipi Chief Lieutenant General Vasyl Maliuk leh ama pawlte’n mualsuahpih uh zo suak hi. Russia Telegram Channel te’ genna ah Irkutsk leh Murmansk mun tenga om galkapna ding gelkholhnate pen FPV Drone te in a nai, a gamla a om Highway nawl a khawl Truck mawtawpite’ tung pan kikhahkhia ahi hi.
Irkutsk Region Governor Igor Kobzev in ama Telegram pan Sredny khuaneu a om galkap Unit khat pen Drone te tawh kikapzan cih thu kipsakna aneih banah Siberian region munah Drone tawh kapzanna akithuakna khatveina hi ci-in gen hi. Ahi zongin Russia Defense Ministry Department pan tuni ciang gencianna om nailo hi.
Hits: 7