Chin State, Falam khuapi zuan a pai Ukna buluh (SAC) galkapte leh Mipi thau tawi kipawl khawmte Valung khua gei ah nasiatak kikaptuahna om a, SAC galkapte mai nawt zolo in haksa sa mahmah uh ahih manin Vanleng tawh bomb khiatna lam lim zat mahmah uh cih kiza hi.
January 26 ni-in Kawlpi-Taingen lamzikpi zui-in SAC galkap 300 valte pen Valung le Zawnglei khua kikal ah Mipi thautawi kipawl khawmte in lamkal pan pang simin, kikaptuahna nasiatak om a SAC galkap 7 si-in, a liam abai zong tam mahmah ci hi.
Lei lam tawnin gal mainawk SAC te mainawt thei loin a si banah a liamte zong nasia liam thei mahmah ahih manin, SAC pawlin a cihna ding a theih loh ciangin January 27 ni-in Y-12 gal vanleng tawh nai 1 sungin bomb tang 50 val khia ngekngek bek tham loin, nisim phialin van lam pan bomb khiat khiat den, cih thu PDF /CDF kipawl khawmte in gen uh hi.
Tukha January kha bul akipan Falam khuapi huam sungah galvai khauh pai semsem in, kikaptuahna ni 2 huam sungah SAC lam pan galkap mang le galkap nautang 10 sang tawm zawlo si uh a, galvan tuamtuam a ngah banah galmat tampi zong nei, cih kiza hi.
Hits: 2