မြဝတီမြို့နယ်၊ လေးကေ့ကော် သို့ ဝင်ရောက်လာသော စစ်ကောင်စီ စစ်တပ် အများအပြားသေဆုံးပြီး လက်နက်ခဲယမ်းအများအပြား သိမ်းဆည်းရရှိ

ကရင်ပြည်နယ်၊ မြဝတီမြို့နယ် လေးကေ့ကော် မှာ စစ်ကောင်စီ စစ်ကြောင်းတွေကို KNLA ဦးဆောင်တဲ့ ပူးပေါင်းတပ်တွေက အောက်တိုဘာ ၃၁ ရက်မှာ တိုက်ခိုက်ခဲ့ရာ (SAM) တပ်ဖွဲ့ဝင် အများအပြားသေဆုံးပြီး ခဲယမ်းမီးကျောက် အမြောက်အများ သိမ်းဆည်းရရှိခဲ့တယ်လို့ သိရပါတယ်။

စစ်ကောင်စီ စစ်တပ်က ​​ရွေး​ကောက်ပွဲဖြစ်​မြောက်ဖို့ သာလွန်လူအင်းအား၊ နည်းပညာမြင့် Drone တွေ၊ လက်နက်ကြီးပစ်ကူတွေ၊ တာ​ဝေးပစ် ဒုံးကျည် (Missiles) တွေအပြင် ​လေ​ကြောင်းတိုက်ခိုက်မှုအသာစီးယူပြီး မြဝတီမြို့နယ် ရ​သေ့ဂူ​၊ မင်းလက်ပံ​၊ ဖလူး​ကျေးရွာတွေသို့ အင်အားအလုံးအရင်းနဲ့ စစ်​ကြောင်းထိုးခဲ့တယ်လို့ ဆိုပါတယ်။

စစ်ကြောင်းထိုးလာတဲ့ တပ်မ ၂၂ ​လက်​အောက်ခံ စစ်​ကြောင်းတွေကို အောက်တိုဘာ ၃၁ ရက်​မှာ အကြိမ်ကြိမ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် အများအပြားသေဆုံးပြီး ထိခိုက်ဒဏ်ရများစွာရခဲ့တဲ့အပြင် ​ပူး​ပေါင်း​တော်လှန်​ရေးတပ်ဖွဲ့တွေက ခဲယမ်းမီး​ကျောက်အ​မြောက်အများ သိမ်း​ဆည်းရရှိခဲ့တယ်လို့ ဖော်ပြထားပါတယ်။

စစ်ကောင်စီစစ်ကြောင်းတွေကို KNU/KNLA ဦး​ဆောင်​တဲ့ ဗျူဟာ(၃၂) ကျားသစ်နက်စစ်​ကြောင်း၊ ​ကော်ဘရာစစ်​ကြောင်း၊ ဗွီနွန်စစ်​ကြောင်း၊ Justice Soldier စစ်​ကြောင်းနဲ့ ပူး​ပေါင်း​တော်လှန်​​ရေးတပ်ဖွဲ့တွေက တိုက်ခိုက်ခဲ့တာဖြစ်တယ်လို့ ဆိုပါတယ်။ ​

ထွက်​ပေါက်မဟုတ်တဲ့ ​နည်းမျိုးစုံနဲ့ ယုတ်မာရက်စက်မဲ့ရွေး​ကောက်ပွဲမှာ ပြည်သူတွေအနေနဲ့ မပါဝင်ကြဖို့​ တိုက်တွန်းကြောင်းနဲ့ စစ်အာဏာရှင်စနစ် အမြစ်ပြတ်​ချေမှုန်းနိုင်တဲ့အထိ တိုက်ပွဲဝင်သွားမှာ ဖြစ်​ကြောင်း ကျားသစ်နက်စစ်ကြောင်းက သတင်းထုတ်ပြန်ထားတာ တွေ့ရပါတယ်။

Hits: 0