Kalay- Falam kikal Tedim township a om Zawngkong khua ah Ukna buluh (SAC/SAM) galkap 300 kimin November 27, 2025 ni-in lut uh a, Tedim township leitaw lamah panla a om Chinland Council (CC) pawlte tawh kikaptuahna pan CDF-CDM Siyin tangval 4 in gam leh ading a nuntakna uh piakhia cih kiza hi.
” Nitak khuamui pawlin Bekan khua lam pan hong paito Ukna buluh (SAC/SAM)te Mine siahna ah kisukhial kha hi. Gal mainawkte sungah zong kitelkhialhna om hi. Ukna buluh /SAM) galkapte’n lah amau omna thei pah uh ahih manin, kapna nuamsa suak ve maw. Tua lai pan amau lah nungkin, khua sungah mi kikhen bawlin tawmvei sung kitawlnga hi. SAM galkapte’n khua sung tengah vial vak pawl leh lamzikpi zui a pai tawh zingsang lam (01:00am) hun pawlin Zawngkong khuano pen umcip in hong khaktan in hong kap ta uh hi” ci-in kikapna tawh kisai CDF- Siyin makai lam pan kiza hi.
CDF-CDM Siyin galkapte in Chinland Council (CC) te tawh kipawl in, Taingen, Suahlim, Bekan cihte pan SAC/SAM te nasiatak a do laitak uh ahi hi. Zawngkong khua ah SAM galkapte tawh kikaptuahna pen kinai kap mahmah uh ahih manin, CDF-CDM Siyin tangval 4 in nakpitak a kaptuahna panin mun khatah mi 4 in hong nusia uh cih CDF Siyin thuneite’n gen uh hi.
” SAM te galkap phazah 300 val pen CDF-CDM-Siyin galkap 50 bek tawh kido/ kikaptuah himawk in, ko lam bel haksa veve mawk hi. Zawngkong tawh kigamla lo Mualdung mun khatah Galvil a om CDF-Siyin galkap 7 te’n lah a omna uh mual pang lam a hih manin, a thawm ging na za kha lo mawk uh hi. SAM galkapte’ khe ging a zak phet lian leh kiging thei pah suak hi. SAM galkapte’n zong Kongkhak susia suk pahin, Inn sungah lutin naitak kap uh a, amau SAM lam zong si uh hi. Galkap tha kikimlo lua hi ung. Hong nusia Tangval 4 te simloh a dangte bel cidam takin kinungkik thei mang suak ” ci-in CDF-Siyin thuneite’n gen uh hi. November 27 ni zingsang tung Zawngkong khua kikapna sungah SAM galkapte a tawm pen 7 si uh a, a luang hawmte bel SAM te’n tawm thei nailo uh ci-in gen hi.
Hits: 0