June 16, 2026 ni-in Kawlgam ukna a len Min Aung Hlaing in a mi muan mahmah khat Aizawl khuapi ah va sawl in, Mizoram Advocacy Team palai sepna tawh CDF-Hualngo le CNA te tawh kimuhkhopna va nei thei cih thu kiza hi.
Tua kimuhkhopna ah Kawl kumpi lam pan thusunna bulpi 3 tawh hopihna nei cih kiza hi. 1. CNA in Kawlgam sung pan suahtakna la a, gam khat a din kei nak leh na lunggulh khempeuh uh zuih ding cih Kawl kumpi kamciamna, tua thu kikup theih ni, a kipat ni pan kipan kikapnate Kawl galkap lam pan khawl ding, le Kawl galkapte tu ciangciang a omna vuah mah phual sat ding cihte kihel hi.
June 29, 2026 ni-in, CNAin amau palai mi pawlkhat Hakha Christian Ministers member mi 3 te palai in zang in, Falam Kawl galkap tawh thu kikupna va neisak hi. Tua thu kikupna pen Zion Baptist Church Pastor pa makaisak uh hi. Tua khit ciangin CNA palaite Naypitaw dongah thukikum dingin va pai uh himah leh maitang kimu kiholimna nei zo lo cih kiza hi.
Kikupna tawh kisai tulaitak a kiman Chungcung khua a pastor pa a khah ding vai, Kawlpi-Hakha lampi hon ding vai, ni 100 project ah CNF in NCA ah suaikaih nading cihte zong kihel hi.
Nidang CNF le Kawl galkap te kikal NCA suaikaih lai a, teci a kihel ahi Pasian nasem mi 2 te zong tutung kimuhna ah kihel cih kiza hi.
News Source : Salai Thang
Photo source : The Era News page
Hits: 0