September 3, 2023 || Tongsan Media Group ||

Bagu Division (Eastern), Nyaung Lay Pin District, Mook (Moo) khua, Kyauk Gyi Area kimah abeisa August 29 ni akipan September 1, 2023 ni kikal ( ni 4 sung) kikapna ah Ukna buluh (SAC) galkapte 80 val si uh a, asite a tamzaw pen amau (SAC) te’n Vanleng pan Thaupi tawh amau leh amau akikap khakna hang a si cih thu kiza hi.

Mook Area, Kyauk Gyi township, Oh Phiat, Ka Nya Kyah, Tha Man Kyin, Kyat Tet, Nyaung Pin Area kimteng August 29 – 30, kikal sungin KNLA, PDF kipawl khawmte leh Ukna buluh (SAC) galkap Khah Lah Zah (598) battalion, Pyue Saw Htee misok kipawlkhawmte’ kikap uh hi. Hih kikapna ah SAC lamten Vanleng tawh Thaupi zangin 4 vei akapna hangin, amau leh amau sung teng kikap khial / bomb kikhiat khial hangin, galkap 50 val simai uh cih thu SAC galkapte’ sung thukizakna tungtawn in kitheikhia cih kiza hi.

“Tulaitak in Mok Area sungah kikapna khauhpaina ahang bulpi pen SAC te’n tua Khuaneu teng banluhna hang ahi hi. Tua banah amau (SAC) galkapte a si amang tamluatna zong lei lam kikaptuahna hang hi kei leh tua zah liang silo ding uh hi. Amau galvanleng tung pan akikhiatna pan hita leh, amau leh amau Thaupi khakna hangin 80 val si ta hi. A si sazian kician ta hi. Phayedi thuzakna pan leh leilam thukizakna pan akigawm khitteh kigenthei pan ahi hi. ” ci-in Special Commando battalion, Yoma Regiment (2) pan thuneite’n gen uh hi.

August 31 ni leh September 1, ni zonginMyosuu khua a om Sittaung Gun kantanna Gunlei kiang SAC te’ Camp leh Kyauk Gyi township a om SAC pansan Camp te ahi; Thit Kyah Seih Camp, Ohn Phyat, Ka Nyain Kyah, Taphan Kone, Kyat Thet Nyaung Pin cih tengah kikaptuahna om behbeh lai ahih manin, SAC galkapte 30 val sikik uh cih kiza hi.

Mipi galkap (PDF) te’ lam pan bel tunna mun te ngah zawh mateng sual ding himai! Kizo lua lel ding ee! A thupi pen ah mipite a si aliam a tawm thei penpen omna ding kihanciam hi. Gal vai tawh kisai ah ka kipawlpihte uh tawh khut kilenin kisemkhawm hi. Tun bel ahih leh mipite’ thapiakna leh panpihnate hangin tha kingah mahmah hi. A hunhun in kisapnate ah ma kipang khawm ahih manin, ko, kipawl khawmte zong kilungdam mahmah hi” ci-in kikapna sungah PDF galkap khatin gen hi.

Hih ni 4 sung kikapna ah Special Commando battalion pan galkap Comrade Seven, Spring galkapte lam pan platoon commander Tettu leh Comrade Jack te 3 in sihna a tuak banah Spring galhang (Warriors) 10 liam uh hi. Yoma battalion (2) pan Commander 1, Landmines sikkhakna hangin, a khe lang khat kitan cih kiza hi.

Tua banah hih ni 4 sung kikapna sungah Commando guns mal 2, Machine guns 1, Thau lawng 19, Ammunition boxes, MA bullets, 40 MM bomb tang honkhat, Machine gun tangte, khutlot bomb tengte akipan akizoppih vante honpi khat zong ngah uh cih thu Revolution galkapte’ tung pan kiza hi.

Hih SAC galkapte tawh kikapna ah Karen National Liberation Army (KNLA), Karen National Defense Organization (KNDO) battalions; Special Commando Battalion Line-2, Spring Warriors leh People’s Defense Forces (PDF)te kipawlkhawm in ado / akap uh cih kiza hi.

Source: Ayeyarwaddy Times

Translated: Tongsan Admin Team

Hits: 7

Byadmin

Leave a Reply

Your email address will not be published. Required fields are marked *