Chin State ah Chin Revolutionary pawlte’ phuh khiat ahi Chinland Government ah Prime Minister akipan government Members, thukhen mangpi (Chief Justice) leh thukhen pawlte (members of the judiciary) cihte panmunte tunipi kal sungin kiteelna nei ding ci-in, Chinland Council in tuni January 23, 2024 ni-in pulakkhia uh hi.

Jaunary 22-23, 2024 sung Chin State, CNF Headquarters, Chinlung khua ah Miteel makaipite (Election Committee) in a (2) veina Meeting thupitak nei uh cih kiza hi. Tua Meeting hunah Chinland Government, Prime Minister, Ministers, Attorney General, Chief Justice of the Supreme Court of Chinland panmun tuamtuam pan min sazian kipiasate etkikna leh kikupnate nei uh cih kiza hi.

Tua teng pen tunipi kal sungin kiteelna limtak neih dingin Chinland Council in thupulakna nei hi. January 16 zongin Chinland Council makaihna mah tawh CNF /CNA leh Local Defense Force thuneite in Chinland Government, Ministry of Defense (MOD) phuhkhiat ding tawh kisai sepzia dingte nasiatak kikupna nei thei uh cih kiza hi. Ministry of Defense (MOD) phuhkhiatna ding tawh kisai kikupna ah Chinland Council pan Joint Secretary (1) ahi Salai Hteet Ni dotna kinei a, thukikupna kiciantak nei thei nailo ahih manin, tulaitak ta dih Comment piakna ding om thei nailo ci-in Media te tungah genkhia hi.

Hih Chinland Government kiteelna ah Miteel Committee (Election Commission) te’ a (1) veina Meeting pen abeisa December 12, 2023 ni-in kinei thei bek tham loin, Government of Chinland leh Supreme Court of Chinland government kiphuatkhiat zawhna ding Kipawlna tuamtuam pan kipuak teeltheih minsazian (Nomination lists) te sanna leh etcianna kinei thei cih kiza hi. Tua banah Chinland Council ah CNF /CNA, Chin Defense Force(CDF) 14 leh Chin Hluttaw representatives pawl khat kihelthei cih kiza hi. Chinland Council ah a kihello Chin Revolution Team pawl khat zong om lai ci hi.

Hits: 3

Byadmin

Leave a Reply

Your email address will not be published. Required fields are marked *