August 23, 2023 | Tongsan Media Group |

Sagaing Division, Htee Chai Township sung Khua kim a tok nawi den Ukna buluh (SAC) te’ khemsa galkapte leh mipi galkap (PDF)te abeisa August 20, 2023 ni-in kikap uh a, Captain leh bo khat akihel galkap 15 si-in, Sergean khat hingmat uh cih khuami PDF pawl ten gen uh hi. August 20 ni sun lamin galkap 60 val Htee Chai khuapi pan Kuan Kyi khuaneu lam va lut uh a, ngongtatna a bawl laitak un mipi galkap (PDF) ten Mualtung lam pan ngak khikhe in, na kap uh ahih manin SAC galkapte a si aliam tampi om ci hi.

Tua kikapna sungah SAC galkapte lam ah Captain khat akihel 15 ahih banah liamna ngah zong om uh a, Sergean khat zong hingmat uh ci hi. Tua banah Galvan zong tampi ngah uh cih gal kikapna tawh kinai te’ tung pan bultak in kizasawn hi. “Mipi galkap (PDF) lam pan liamna baihna lian om lo hi. SAC lam pan bel a tawm pen 15 sang tawmzaw lo si cih kigen hi. Galvan leh thautang cihte tampi kingah khia hi” ci-in lei galkap PDF te tawh kinai khuamite’n gen uh hi.

Kikapna sungah a si aliam a tam SAC lamten kikapna kiang a om Kuan Kyi khuaneu leh Zigone khuate Vanleng tawh nihvei bomb khiatna hangin, gamsung ah Guatuai zong a om Naupang khat leh nupi khat in sihlawh cih kiza hi. Tua khitteh SAC galkapte’n kikapna kiang a om Kyauk Hmaw khua ah lutin ngongtat na a bawl banah khuami pasal 4 manin paikhiat pih uh ci hi.

Htee Chai kikapna tawh kisai Htee Chai township PDF galkapten a genna ah, ” Ukna buluh (SAC) galkapte in lei lam kikapna ah guallel lua uh ahih manin, August 20, ni nitak lam 3:00pm hunin khatvei, 3:40pm hunin khatvei a gawm nihvei vilvel Russia bawl Sukhoi Su-30 Jet Fighter tawh Kuan Kyi khua leh Zigone khua kim a om PDF galkapte’ omna kim teng kap gawp uh ahih manin, gamsung ah Pateh leh Guatuai zong nupi khat leh naupang khatin sihlawh cih thu PDF galkapten gen uh ahih manin, lungnop het kei” ci-in gen uh hi.

Gal kikapna a man khit ciangin SAC galkapte’n khuamite bawlsiat in ngongtatna kipan uh a, Htee Chai township a om Zigone, Pauk Gone, Kuan gyi, Sat Tee Chaung khuate pan khuamite galtai mang uh hi. SAC galkapten Htee Chai tiownship akipan Sagaing Division sungah lutin Thaumuk tawh khuamite bawlsia, thatlum, neihsate laksak, Inn te haltum sakin ngongtat in gamtat uh hi.

Source: Mandalay Free Press

Translated: Tongsan Admin Team

Hits: 4

Byadmin

Leave a Reply

Your email address will not be published. Required fields are marked *