India gam, Mizoram State ah galtai Myanmar military sodier te Kawlgam ah ciahkikna ding a tuanna uh Myanmar vanleng pen Vanleng tualpi a taina lam nawn ah pial kha ahih manin, galkap 12 liamin, 4 te nak liam lua uh a, lametna tawm mahmah cih thu AFP Media in genkhia hi. Sen (China) bawl Shaanxi Y-8 nam Vanleng pen SAC galkapte a lakhia ding a pai ahi hi. Tua vanleng pen India gam Mizoram State Lengpui Airport ah tuni January 23, 2024 ni sun hunin Vanleng taina lampi nawlah lampial in tuahsia ahi hi.

Tua vanleng tungah SAC galkap 92 tuang uh cih Indian Airport Authority khatin AFP ah genkhia hi. India gam sung a Media te’n Photo a khahkhiatna ah Vanleng a lu lam pan kitan cih kimu hi. India – Myanmar gamgi ah a piang gal kikapna sungah SAC galkapte a zalom a sim India gamah gamgi kantan in taimang uh hi. Tua galkikapna hangin, Myanmar galkapte in Camp nusia in Mizoram State sungah lutin galtai uh ahi hi.

Hih a taikhia mang Myanmar galkapte tawh kisai Sazian kilakna tawh kisai-in, abeisa 2023 November 13 khatvei, November 16, December 29, leh January 5, 2024 ni tengah SAC galkapte India gam sungah zalom in taikhia uh hi. 2024 Janaury kha masa sung ciangciang 5 vei galtai uh a, galkap vekpi gawm 500 val pha ta hi. Hih bang dinmun a tun khit ciangin Gamgi dungah sik dailing tawh khakcip dingin India Home Minister Amit Shah in tukha January 20 ni-in genkhia khin ta hi.

Hits: 3

Byadmin

Leave a Reply

Your email address will not be published. Required fields are marked *