Rakhine State, Kyauktaw Township, Kansuah khua ah phuaksat a om SAC galkap Infantry battalion (539) galkapte tuni January 16, 2024 ni-in Rakhine galkap (AA)te’ tungah galvan khia-in, Battalion buppi in kipumpiak (Surrender) uh cih Rakhine State sung a thuthak lamsaite leh khuamite’ tung pan kiza hi.

Hih Infantry battalion (539) pen Yangon – Sitthwe Mawtaw lamzikpi kiang a om Kansauk mual bul ah phualsat SAC galkapte ahi uh hi. Social Media tungah tuni Janaury 16, nitak lam (7:00pm) hunin akhahkhia Video file sungah SAC galkapte leh amau Innkuanpih ciat tawh mimal kigawm vekpi 300 valte AA galkapte’n a sapkhiatna uh kimu hi.

Tua Camp pen Arakan Army (AA) in zanni January 15, ni akipan do / kap kipan uh hi ci-in, Saukkan khuami khatin gen hi. AA te’ Chief of Staff General Thun Myant Naing in Rakhine State sung a om SAC galkapte thudam tawh galvan khiat sak dingin a ma Social Media tungah zanni in gelhkhia hi. Tua banah AA pen Chin State, Paletwa Khuapi a om SAC galphualpi khempeuh pen January 10, 2024 ni-in, nasiatak in a do/ kap khitteh Khuapi pen olno takin AA pawlin lakhia ziau uh ahi hi.

Hits: 1

Byadmin

Leave a Reply

Your email address will not be published. Required fields are marked *