Chin National leh Chin Affair vai tawh kisai gamvai leh galvai nasem khawm (cooperate politically and militarily) dingin Maraland Territorial Council in Chin Brotherhood Alliance ah lut ta cih thu January 31, 2024 ni-in Chin Brotherhood Alliance pawlin tangko khia uh cih kiza hi.

Thuman thudik (justice), kikimna (equality), ei lei suaktatak thuneihna (self-determination) cihte bulphuh in, Maraland Territorial Council / Maraland Defense Force te in January 30, 2024 ni akipan Chin Brotherhood Alliace ah pawlmi kician (full member) ahihna kipsakna thu Chin Brotherhood Alliance in tuni January 31, 2024 ni-in thusuahna nei uh hi.

Maraland Territorial Coulcil te in Chin Brotherdhood Alliance ah akipawl theihna dingin kimuhkholhna leh holimna cihte tampi vei nei khawm uh ci hi. Maraland Maraland Territorial Council / Maraland Defense Force pawlin CDF-Mara tawh galdona a khauhpai mahmah laitak in Chin brotherhood Alliance tawh akipawl uh ahi hi.

Zomi Federal Union (ZFU /PDF-Zoland), Chin National Council (Mindat)/ CDF-Mindat, Chin National Organization (CNO /CNDF te in Chinland leh Chin Nationalism vaite ah gamvai leh galvaite ah mapang khawmin sepkhop ding ngimna tawh Chin Brotherhood Alliance pen December 30, 2023 ni-in phutkhiat uh hi.

Chin brotherhood Alliance in Chin nation vai, Chin minam vai (Chin affair) te leh Union affair tawh kisai thute ah gamsung gampua kipawlnate, minautang kipawlnate tawh mapang khawmin, mai lam Democracy tawnzia tawh kituak Kumpi thak a piankhiat mateng khut kilenin, hanciam takin mapang khawm ding cih thusuahna nei uh hi.

Chin State, Lailenpi khuapi ah CNF /CNA, CDF-Mara leh Maraland Territorial Coulcil (MTC /MDF) te in Janaury 24, 2024 ni-in langnih kikaptuahna om a, a si leh a liam abai cihte om bek tham loin, tuni ciang dong langnih kitelkhialhna leh kingimna om cih kiza hi.

Hits: 4

Byadmin

Leave a Reply

Your email address will not be published. Required fields are marked *