August 23, 2023 || Tongsan Media Group ||

Mizoram, State, Aizawl khuapi pan Kilometer 21,a gamlatna Sairang khuapi leh Bairabi buda kikal ah a kibawlsan laitak Meileng paina Lei (Bridge) khat pen August 23, 3032 ni zingsang (10:00am) hunin kicim a, nasemte atawm pen mi 17 si-in, adang 7 te kimuzo nailo in, Young Mizo Association (Sairang Branch) ten hotkhiatna lam nasem laitak uh cih kiza hi.

Lei (bridge) a sanna pen 104 Meter hi a, tun akilamzawh sawt khin ta hi. Akicip laitak in nasem mi 35 -40 kim om hi ci hi. Hih Project kizokhin leh Aizawl khuapi ah Indian Railway Project tawh kizomthei dingin lametna kinei hi. “Hih akicim Lei (brigde) pen India nisuahna leilu lam a om State, Town khempeuh kizom ding India Railway Project ii ngimnapi khat ahi hi. Lamet lohpi a a kicim Lei tawh kisai a hangte kiciantak kitheizo nailo hi ” ci-in Northeast Frontier Railway (NFR) pan Public Relation makaipi Mr. Sabyasachi De in genkhia hi.

Hih thu tawh kisai Mizoram State, Chief Minister Pu Zoramthanga in agenna ah, ” Hotkhiatna nasemte in nasiatak zonsan laitak uh hi. Hih tuahsiatna hangin kidah mahmah hi. A site’ innkuanpihte kidahpih mahmah a, a liamte zong a manlang a hong dam kikna ding thungetna ah phawk hi hang. Hotkhiatna lam nasemte’tungah lungdamna lianpi kinei hi ci-in, Chief Minister Pu Zoramthanga in ama Twitter ah gelh khia hi.

Source: Indian Express

Translated: Tongsan Admin Team

Hits: 5

Byadmin

Leave a Reply

Your email address will not be published. Required fields are marked *