August 8, 2023 || Tongsan Media Group ||
Karenni (Kayah) State, Phasaung township kidona sungah Ukna buluh (SAC) galkapte 10 sang a tawm zawlo si uh a, galvan leh thautang zong tampi kingah cih thu Phasaung PDF thunei khatin gen hi. August 5, ni-in Phasaung leh Mese Township kikap kikal a om Kyauksuh khuano kiangah kikapna nasiatak om ci hi.
” A kingah galvan leh thautangte tawh kisai bel amau (SAC) lamte pen silehmang zenin nungkik uh hi. Tua banah Vanleng tawh thatang om lopi tawh nikhat sungin 6 vei vilvel gal huhin kap ngekngek uh ” ci-in Phasaung PDF thunei khatin gencian hi. Phasaung panin Mese khuapi lam zuan kuankhia SAC galkapte pen battalion (559 khut nuai a om Khah Mah Zah (508) leh (512) galkapte ahi hi. August 5, ni kikapna sungah Karenni People’s Liberation Front (KPLF) pan galkap 2 si hi.
Tulaitak ciangciang galte ahi ukna buluh (SAC) galkapte pen Karenni Army (KA), Karenni National Defense Force (KNDF), Karenni People’s Liberation Front (KPLF), leh Phasaung Township PDF te kipawlin a dokhawm uh ahi hi. Abeisa July 27, 2023 ni in zong Phasaung khuapi leilu lam a om SAC galkapte’ phualsatna ah Karenni Joint Force te’n buluh uh a, galhiam leh thavui thautang tampi ngah ngei khin lai uh hi.
Source: People’s Spring
¨Translated: Tongsan Admin Team
Hits: 0