August 7, 2023 || Tongsan Media Group ||
People Defense Force (PDF) leh galdo kipawlkhawmte (Allied Revolutionary Forces)te’ kipawlkhawm in SACte a dona kumlang (kha 6) sungah SAC galphual (Camp) 30 lakhiazo uh cih thu National Unity Government (NUG) kumpi galkap lam zumpi pan thugenpiu (Defense Ministry spokesman) U Maung Maung Swe in August 7, 2023 ni-in pulak khia hi.
” Hih kha 6 sungah galte’ Camp lakkhiat zawh vekpi 30 vai kilakhia zo hi. Karenni lamah 10 vei, Sagaing Division ah 6 vei leh southern region ah 14 vei, ei PDF galkapte leh Galdo kipawlkhawm (Allied Revolutionary)te in galdona kilawhcing mahmah hi” ci-in U Maung Maung Swe in pulakkhia hi. Tua mah bangin Police station mun 15, border guard stations mun 10, Pyu Saw Htee camp mun 14 cih teng lawhcing takin kilakhia zo cih zaksakna nei hi.
Karen State, Myawaddy Township, Letkhat mual Camp lakna vai zong amah in genbeh hi. Letkhat mual Camp pen abeisa July 21, 2023 ni-in kilakhiat zawh akem/ cing tawm khat kikoih a, tua Camp pen Ukna buluh (SAC) galkapte in umcih in, Vanleng zangin thaupi tawh a kap uh hangin ni 15 a sawt khit nangawn in mual bulah nehto zo mahmah lo uh cih thu U Maung Maung Swe in genbeh hi.
” Tua bang i genna pen Letkhat mual vai bek a gennuam hi loin, gambup ah lungsim puakzia tawh kisai ah a tawdong a tung khin banah galdo nopna zong nei nawn loin, taikhiat mang ding bek lampi a zong den SAC galkapte’ dinmun pen hih kikap/ kidona ahmeivak hong tan / lam lak hi” ci-in genkhia hi. Hih Letkhat mual Camp pen PDFte leh Allied Revolutionary Forces te’n kisamsa nawn loin, a nusiat ciang bekin SAC ten ngah kik / kemzo bek ding uh hi ci-in genbeh hi.
Amasa hih Kha 6 sungah Tada Oo Airforce base, Mingaladone airforce base, Magwe Airforce base,Taungngu Airforce base leh Kyaut thu airforce base cih teng pen 7 vei Thaupi tawh kikapthei cih thu zaksakna nei hi. Vanlengte kapkhap theihna dingin rocket Laucher te akineih loh hangin, Vanleng koihna / khawlnate pen kap zawhna ding kisemthei veve ci hi. Ukna buluh (SAC)te’ galvan bawlkhiatna setzung 7 zong PDF leh Allied Revolutionary Forces)te’n 12 vei kikapsak thei hi cih zong gen hi.
Kha 6 sungah kikaptuahna vekpi 935 vei kinei thei-in, SAC galkap vekpi 3012 si uh a, 4021 liam uh ci hi. Thau neu vekpi 203 kingahkhia in, thautang 30000 val, bomb tang 600 val, mines 170 val kingah khia ci hi.SAC ten galvanleng zangin hong kap mah bangin, PDF lamte’n zong Drone zangin SAC galkap zumpi akipan galkap phual mun tampi kikapzan zo hi cih thu genbeh hi.
PDF ten manman in galdona kineithei den in, Alliance Force te tawh kipumkhat in galsim khualzinna gamlapi kitungkhin ta hi ci-in U Maung Maung Swe in gen hi. “SAC in Kawlgam leitaw lam, leilu lam leh gam laizang cihte ah kilekkim takin galsimna kinei thei ahihna a tungah i gensa thute khempeuh i muh ciangin, mipite khempeuh telcian thei pah dingin lamen hihang “ ci-in genbeh hi.
Tukum bul lam akipan SAC in galmai nawkna (front line) lam bekah front line ahi loin, Army headquarters zongah abeisa bangin lung muang takin om hithiat thei nawn loin, bomb kihta in dum toin in a bubu dinmun ah om uh ci hi. Hih kha 6 sungah Northwest Regional Command ah 6 vei, Southeast Regional Military Command ah 1 vei; 44th Division Headquarters ah 3 times; 33rd Division Headquarters ah 1 vei, 101th Division Headquarters ah 2 vei cih bangin hoihtak kapna kinei thei ci hi.
Tua bang a galdo zawhna hang pen PDF te leh Alliance Force te hansanna, cihtaknate banah a nung pan sum le paii tawh a panpih gamsung gampua a om mipite hang ahihna gen hi. Mipite’ huhna leh panpihna te Ministry of Defense zumpi pan zahtakna leh pahtawina hong puak ung cih thugen beh hi.
” Mipi galkapte (People’s Defense Force-PDF)te leh kipawlpih (Allied revolutionary forces)te in a sawt loin galdona hun hong tung dinga, tua ni ciangin Ukna buluh (SAC) galkapte in tuni hun sangin, nakpitak hong guallel zaw lailai ding uh cih thu mipite’ tungah hong zaksak behbeh lai nuam ing “ ci-in U Maung Maung Swe in pulakkhia hi.
Source: People’s Spring
Translated: Tongsan Media Group
Hits: 5