August 8, 2023 || Tongsan Media Group ||
Kalaymyo leilu lam a om Kalay – Letpanchaung Mawtaw lampi tung ah August 8, 2023 nitak lam (1:00pm) kim pawlin bomb puakkham a, tualsung mi 1 in sihlawh cih kiza hi. Kalay – Letpaungchaung Mawtaw lampi tung a om Tlangzawl khua hanmual kiangah bomb puakkham hi-in, mi 3 in liamna ngahin Dowaichaung khuami Tg. Lalpianpuia (Kum 18) nasiatak laimna ngah in, nitak lam 2:30pm hunin si cih thu kiza hi.
Amah (misipa) pen Pintaw Oo khua ah Bawng va la pak hi-in, a ciah kik lam ciangin Tlangzawl khua Han kiang a bomb kisiah khat pen a Bawng in sikkha in puakkham ahi hi. A liam mi 3 sung pan Tg. Lalpianpuia pen nak liam lua ahih manin sihlawh a, a dang nihte pen zato ah kibawl cih kiza hi. Bomb sikkhial Bawng zong a si zahkhop dingin liam ahih manin, thatlum vet uh ci hi. Kalay – Letpanchaung Mawtaw lampi pen Kalaymyo leilu lam tawh kizopna akizang mahmah Mawtaw lampi lian khat ahi hi. Tua bomb puakkham pen kua galkapte’ siah / koih cih kitheizo nailo ci hi.
Source: Khonumthung
Translated: Tongsan Admin Team
Hits: 4