(47) na U.S. President thak ahi John Donald Trump in US Kumpi Innkangpi (Whith House) ah nasep akipat theihna dingin, Kumpi suahna pawi (President’s Inauguration Ceremony), Lai siangtho tawh kiciamna leh ama thuneihna tawh Nasep theihte khutpi meekna (Signing) cihte pen January 20, 2025 (Monday) ni-in U.S Capitol’s west Arena No. 1, sungah thupitak nei thei hi.
Tua hun sungah US. former President te ahi; Mr. George W. Bushte nupa, Mr. Bill Clinton te nupa, Mr. Barack Obama, tulaitak President Mr. Joe Bidente nupa leh Vice President Mrs. Kamala Herris te nupa cihte banah US gam sung bek hi loin, leitungbup huam mihau pente ahi; Mr. Elon Musk (CEO SpaceX), Mr. Mark Zuckerberg (Meta CEO), Mr. Shou Chew (CEO Tiktok), leh mi Jeff Bezos, Larry Ellison cihte kihelthei uh hi.
Hun thupi pawl khat aman khit ciangin, President Donald Trump in ama ngim leh tup thubulpi pawl khat President thuneihna (Sign Executive Order- EO) Khutpi mekna anuai teng a banban in nei hi.
(1) US leitaw lam gamgi zul (Southern border) ah National Emergency tawh kisai pulakkhiatna zong nei in, Southern border kem bit dingin US galkap leh Police tampi koih theihna dingin thuneihna (EO) Khutpi mekna nei hi.
(2) Mexico gamgi a om khamtheih zatui nasem (Drug cartels) pawlte zong gamdang ngongtat Kipawlna (Foreign Terrorist Organizations) in ciaptehna leh pulakna (EO) nei hi.
(3) US gamah nau suak peuh mah US gammi suah pahna (Automatic US Citizenship) pan khawlsakna / beisakna (EC) nei hi. Ahi zongin hih thu pen President ii thuneihna (EO) bek tawh hitheilo / US Constitution tawh kituaklo ahih manin Federal Court ah kipuakto lai phot dingin kikoihkik hi.
Gencianna: Nau suah khit ni 30 sung US gamah Kumpi thukhun tawh kituak (legally) om theihna lai bawl kul ding ci hi. Refugee leh Asylum tawh kisai a, thuman om theihna (legal status) a neite ading lunghimawh huailo ci hi. A diakdiak in US gamgi pan a guk lutte a khaktan nopna bulpi ahi hi. Hih thu tawh kisai in US Constitution No. 14th belhthuah (Amendment) sungah “US gam sungah a suak peuh mah US citizen hi ding hi” ci in kigelh khin cih thu om hi.
(4) Abeisa January 6, 2021 ni a, Donald Trump in President a ngah zawh lohna hangin mipiten US Capitol building busimna ah akihel mipi 1500 te Court ah Thubawlna teng zong President Trump in mawhmai sakna (Full Pardons) tawh EO khutpi mekna nei in khahkhia mang hi. Tuate sungah thongkiasa 14 te zong mawh maisak dingin kihel hi.
(5) U.S. refugee program puahphat kik nading leh US gamin kha 4 sungin U.S. Refugee Admissions Program (USRAP) & refugee resettlement peuh mah sap loh phot dingin Khutpi mekna (EO) nei hi. Tua manin President Joe Biden in abawl “Welcome Corps” program leh “humanitarian Parol program” cihte zong abei ding suak hi. USRAP leh Welcome corps tawh US a tung khinsate bel bangmah kikhelna omlo ding ci hi.
(6) Sosial Media thupi khat ahi “Tik Tok” zong tawmvei sung zattheih kikna ding leh Tik Tok vai tawh kisai holimna neih theihna ding Khutpi mekna (EO) nei hi. Tik Top ownership pen US in 50% thuneihna dingin kihotuah lai ding uh ci hi.
(7) Canada leh Mexico pan a lut van kici peuh mah 25% (percent) tariffs (tax) lak dingin Khutpi mekna (EO) nei a, Feb. 1, 2025 ni a kipan kizang thei ta ding ci hi.
(8) National Energy Emergency tangko khiatna zong khutpi mekna (EO) nei hi. Hih pen US gam sungah Gas leh Namgim tui lakkhiatna / Tawh kik theihna ahi hi.
(9) United States pen Leitungbup Cidamna lam kipawlna “World Health Organization (WHO)” pan pai khiat dingin khutpi mekna (EO) nei hi. WHO ah US in sumbul (Funding) a tam pen khia den uh a, adang gam ten sumkhia mello uh ahih manin President Donald Trump lungkimlo cihna ahi hi.
(10) Cabinet member (Vuanzi)te kipsakna (confirmation) aneih masiah Acting secretaries, Acting directors, Acting Attorney general cihte kipsakna khutpi mekna (EO) zong nei hi.
(11) US gam sung a om Alaska State sung mualsang pen ahi Denali (the tallest mountain in North America) min pen Mount McKinley cih tawh khel / laih kikna ding leh the Gulf of Mexico pen “the Gulf of America” ci-in khel/ laikikna ding EO nei hi.
(12) President Joe Biden in Cuba pen “the state sponsor of terrorism list” pan alak khiatsa hi a, tun President Donald Trump in nuntakkik sakna khutpi mekna (EO) nei hi.
(13) President Joe Biden ii khutpi meksa (singed) khempeuh sung pan 78 executive actions lumlet in bei sak maina khutpi mekna (EO) nei hi.
(14) US gam ah khuahun kikhelna (Climate change) vai tawh kisai gam tampi thukimna kici Paris Agreement pan paikhiat ding khutpi mekna (EO) nei hi.
(15) US gam sungah Inn leh lo man / vanman kiam nang leh health care man kiam nang (lowering housing and health care costs) zong khutpi mekna (EO) bawl hi.
(16) Kumpi nasem ding athak sap behloh ding (a freeze on new federal hiring) leh Federal Kumpi nasem (federal workers) teng khempeuh zum kahkik ding (Inn pan atam zaw sem nawnlo ding) cihte EO letmat thuhna nei hi. Adiak diak in Internal Revenue Service (IRS) in Kumpi nasem athak sam thei nawnlo phot ding cihna ahi hi.
(17) Government censorship bei sakin freedom of speech neih theih ciatna ding khutpi mekna (EO) nei hi.
(18) President Joe Biden bawlsa “humanitarian parole program” beina ding thupiakna nei hi. Hih Program tawh kizui in Cuba, Haiti, Nicaragua, leh Venezuela gamte pan mi tampi hih program tawh US lut thei uh a a tawm pen mi 500,000 val US sung hong lut khin dingin ki-ummawh hi.
(19) Federal Kumpi ii zat diversity, equity and inclusion programs akici DEI Program zong bei sakin, Federal Kump in gender identity ah Numei leh Pasal nih (two biologically distinct sexes — male and female) bek om sak / kitengsak dingin khutpi mekna (EO) bawl hi.
Ref: CNN, NBC, New York Times, Newsweek, the Guardian, Thomas On Sian Mung
Hits: 7