October 1, 2023 || Tongsan Media Group ||
Sagaing Region, Dipeyin township, Pin Kyah Ywa kiangan kikapna om a, ukna buluh (SAC) galkapte 12 si ci-in Dipeyin Gandu Army Group leh Shwebo District battalion 21 te’n kipsakna nei uh cih PDF thukizakna phualpi vaisai Htoo Khan Zaw in genkhia hi.
September 30, 2023 nitak lamin Dipeyin township, Pin Kyah Ywa kiang kipkapna khitteh ukna buluh (SAC) galkapte lam pan 12 si uh a, tua bang akikapna a om khit nungah SAC galkapte Mi 35 Helicopter tawh khua kim teng va kap gawp uh hangin, PDF galkapte hunlap in bumang thei ahih manin a si aliam omlo ci hi.
” Zanni kikapna ah SAC te 12 si cih kikipsak thei ta hi. Ei PDF galkap 2 in Sniper tawh SAC galkapte 2 kaplum uh a, 10 te bel langnih kikaptuahna pan si hi. Kikapna a man khitteh SAC ten helicopter tawh hong kap hangun, PDF galkapte a liam om hetlo bilbel uh “ ci-in Ye U phualsat a om PDF thukizakna phualpi ah vaisaipi Htoo Khan Zaw in genkhia hi.
Hih kidopna pen Dipeyin khua tualsung PDF te tawh akipawl galkapte, Gandu Army Group, Shwebo District battalion 21 Black Army, Shwebo District battaliuon 12, Burma National Revolutionary Army -BNRA teng kipawl khawmin cih kiza hi.
Source: Khit Thit Media
Translated: Tongsan Media Group
Hits: 15