October 1, 2023 || Tongsan Media Group ||
Shan State leilu lam Lashio township, Mongko khuapi pan Muse lamah galkap behlap ding a pai SAC galkap mawtaw honkhat pen Ta’ang National Liberation Army (TNLA) galkapte’n abeisa September 27 ni-in pansim in kap (ambush) cih thu kiza hi. Muse lam a manawh SAC galkap mawtaw kithuap a pai 6 pen September 27 ni nitak lam nai (7:00pm) hun pawlin tai 105 leh Tongkhan khua kikal-ah TNLA in galguk phawnin kap uh cih tual sung mite leh galphual kuan pawlin gen uh hi.
Gal phawnna (ambushed) khit nailang sung kikapna pan SAC galkapte lam pan battalion galkap mang le nautang 9 si-in, a liam a bai tampi om ci-in TNLA gal phual kuan khat in kipsakna thu gen hi. “Seilant lam galtha behlap ding apai hi kha ding. Ko, lam pan thu zakhol ka hih manun ngak khol ngim kholin kap ung. Mawtawte ka kap zawh uh ciang nungkik ung a amau (SAC galkap) lamte zato kipuak zong om” ci-in gen hi.
SAC galkap mawtaw 6 pen Kokang galkap pawl ahi Myanmar National Democratic Alliance Army (MNDAA) tawh gal vai kingakna khauh mahmah a, Mongko khuapi pan galkap behlap ding Muse khuapi huam Selant khua lam manawh in a pai uh hi, ci-in genbeh hi. Mawtaw hon gal guk phawnin kapna a man khit teh Tongkhan khua kim SAC galkap pawl in zan lam nai 8 kim dong thau mawk lot uh ci-in tual sung mite in gen hi.
“Kikap-na pen khua gei kiang mah hi a, gal daih khit ah SAC galkapte in thau mawk lot gawp uh hi. Khua sung mite kha maw /kha lo cih bel tudong zakna om nai kei” ci-in Tongkhan khuami pasal khat in gen hi. TNLA in SAC galkap mawtaw hon paite gal guk phawn kapna le SAC lam pan sihna manna tawh ki pawl pulak khiatna nei nai lo hi. A beisa August kha ni 2 ni-in TNLA gual phual SAC galkapte in a gal bawlna le Pyitusit kici SAC khut zat te mawtaw hon TNLA in tai 105 sum bawlna phual, Tonkhan khua gei-ah mine tawh do uh a Pyitusit 2 si hi.
Ref: Mekong News
Translated; Tongsan Admin Team
Hits: 5