Dr. Sa Sa pen National Unity Government (NUG), ah ama panmun Minister for International Relationship pan a tawlngak / khawl ciangin, America gam a tung Chin khangno mipil, misiamte tawh Institute of Peace and Federal Democracy (IPFD) phuankhiat cih kiza hi. Hih IPFD pen Amrerica kumpi tung pan theihpihna (registered) ngah khin in, thumantak (Legally) in naseptheihna anei kipawlna (Institution) khat ahih banah thuman leh amuan huai mahmah Bank zong nei khin ta ahi hi.
Hih kipawlna pen America gam bek hi loin, British, Australia akipan Myanmar gammite’ omna gam tuamtuam zongah phuhkhia toto lai ding cih kiza hi. Tua banah hih IPFD in kalsuanzia (Institution policy) ahi; Kimakaih / ki-ukzia (governance),sumbawlzia leh kipawlzia (lobbying and organizing) leh sumle paii lam sepzia bawlzia (financial and economic) cihte kihel sitset hi. Hih kipawlna (Institution) kiphuh khit teh muhtheih pah kalkhatna dingin, Ukna buluh (SAM) ii zuaupi / thumanlo kiteelna (Fake Election) tawh kisai mipite’ muhna leh pomzia kaihkhopna (True Choice Myanmar Application) pen December kha sungin lahkhiat / sepkhiat zawh ding cih ahi hi.
Dr. Sa Sa in, ” Revolution sepna ah huhna sum akineih ciangin, gal kidothei bek a, Huhna sum om kei leh kinungkik cih hi” cih paunak tawh Revolution kisemtheilo hi. Sum le paii leh sumbawl nasepna bel kisam mah hi. Tua hi a, Institution nam 3 om a, (1) Nasepzia (The administrative institution). (2) sumbawlzia leh kipawlzia (the lobbying and organizing institution). (3) sumle paii lam sepzia bawlzia (the financial and economic institution) cih teng kinei hi ” cih thu Dr. Sa Sa in pulak hi.
” Hih bangin kikalsuan kei leh Revolution maban kikalsuan theilo ding hi. Amasa penin natural resources ngahna ding kalsuan ding kisam hi. Hih Natural Resources i ngah khitteh Revolution kiphuanthak ding, a zomah Galdona ah zawh mateng do ding leh a tawpna ah ki-ukna tawh kisai kimakaihzia ding Thukhunpi thak (draft a new constitution and hold elections) banah a 5na ah gambup kipawlna min (United States of Myanmar (USM) cihte phuankhia in, nasiatak leitungbup ah tangko khia ding” cihte genkhiatna nei hi.
Tua banah America gamah IPFD akiphuhkhiatna bulpi pen Ukna buluh (SAM) te kalsuanna leh nasepna suksiatna ding ahi hi. SAM te in America ah Lobby Company cihte Dollar million a simin kawm uh a, hih Lobby nasepnate ah nasem mipil, misiam khangnote kalsuannate a dem zawhna dingin, ei Revolution nasemte’ lam pan zong khangno mipil, misiam tampi kisam ahi hi.
IPFD ah makaipi Rome Thalop in, ” Tulaitak Myanmar gam dinmun hoih lam manawh ta hi. Myanmar gamah suahtakna leh thuman kiteelna om ta hi. Ahi zongin buaina leh haksatna bel tampi om lai hi ” ci-in US Department of Homeland Security pan thupulakna nei uh hi. A taktak in hih thu pen amau kiang pan hi loin, SAM te’n sumgolh a piak uh Lobby te’ tung pan hong ging khia thu ahi hi. Tua manin Lobby Company te’n hih thu pulakna tungtawn in a genkhia uh ahi hi. Lobby Company in (TSP) hamphatna pen eite’ tung pan a hemkhia uh ahi hi. Ukna buluh (SAM) te’ nasepzia (strategy) te khempeuh i langdo / suksiat ding kisam hi” ci-in IPFD makaipa in genkhia hi.
Dr. Sa Sa i patkhiat hih Institution ah amakai Chin khangnote pen pilna siamna neite ahih mah bangin, sumbawl nasepna lam zong asiam vive uh ahi hi. Dr. Sa Sa (Minister for International Co-operation /Relationship of NUG) ah a nasepnate a khiapsak sawm laitak in, suaktazaw- zaizaw leh Revolution nasepna a lawhcin zawkna dingin ama Panmun nusia in, hih Institution aphuankhia ahihna Dr. Sa Sa in pulakkhia hi.
Hits: 1