Kalaymyo pan Chin State, Falam township ah galdo a kuankhia Ukna buluh (SAM/MAL)te leh Chin Revolutionary kipawlkhawmte February 3, 2026 ni-in Falam township, Khuangli khuano kiangah kikaptuahna nasiatak om in, Ukna buluh (SAM) pawlte 10 si uh a, 2 hingmat banah galvan tampi kingah beh ci-in, CNA galkapte’ tungtawn in kiza hi.
” january 3, 2026 ni-in Falam township ah CNF te’ makai-in, Kalaymyo lam pan a kuanto Ukna buluh (SAM) galkap 500 kimte Falam tun ma deuh Khuangli khuano ah nasiatak kikaptuah uh hi. Tua laiah Chinland Council (CC) makaih Chin Revolutionary beel pawlte in galvan honpi khat ngah uh a, 2 hingmat uh ” cih CNA galkapte’n gen uh hi.
Tua banah abeisa December 29, 2025 nitak lam (5:10Pm) hunin Chin State, Falam khuapi ah galkuan Ukna buluh (SAM)te pen Chin Revolutionary beel pawlte in Khuangli khuano kiangah na pangsim in, kikaptuah uh a, Uital lamte 3 si-in, 4 hingmat uh cih kiza hi.
Ukna buluh (SAM) pan galmat 4 banah Thau mal 10 val ngah uh hi. Tua galvante pen MA-1, lawng khat, MA-4 lawng thum, MA-2 lawng nih, 60 MM atomte 1, RPG lawng 1, Inaga, thautang 1000 val, thautang bawm 40 val cihte akipan galvan nam tuamtuam honpi manzo uh ci hi. Ukna buluh (SAM)te pen Khuangli khuano kiang a om a galphual pan kilehkik in, taimang uh cih kiza hi.
Hits: 3