Gaza city a om Al- Ahli Hospital pen Oct. 17 nitak zanpi a Israel ten Missile tawh a kapna ah Zato innpi bel a om mipite a tawm pen 500 val si cih thu Palestinian Authority te’n October 17, ni mahin genkhia uh hi. Hih zato akap laitak in zato sungah mipi 900 kim bang om uh a, a si leh a liam sazian pen tamzaw lai tham ding hi ci-in Palestinian Authority ten genbeh uh hi.
Israel kumpi thuneite’n ahih leh Gaza zatopi pen Israel te’ kap maw? Hamas ngongtat pawlte’ n Missile a lotte kia sukin, a puakkham hizaw maw cih pen kiciantak a kansan laitak ahihna thu pulakkhia uh hi. America President Joe Biden in ama khualzin madeuh in Israel te-in, Zato kap uh cih Hamas lamte’ mawhsakna tawh kisai-in, Hamas te in a phuah tawm mah bangin, Hamas ten zong lah Israel ten Gaza Zatopi akapzanna hangin leitungbup in nasiatak mawhsak in, Israelte tungah thu bawl dingin leitung gam tuamtuam ah lungphona leh ngetna kinei-in tangko khia uh hi.
Tua kawm kalah hih Gaza city a om Al Ahli Hospital akikapna ah mihing a zalom a sihna pen a mulkim huai mahmah thu leh khutkhialhna lianpi taktak hi a, hih tungtang ah thuneipi pen America te hi ci-in Russia gam bitna lam vaisaipi huh (Deputy Chairman of the Russian Security Council,)ahi Mr. Dmitry Medvedev nasiatak mawhsakna pulak hi. Hih Zatopi kikapna hangin Israel te mawhsakna leh langpanna nasiatak kizel in, Middle East gam sung bangah Israel Embassy leh Consulates zumpite suksiat ding nasiatak kihanciam ci hi.
Hits: 9