Iran in Israelte’ khuapi pawlkhat June 13, 2025 ni-in lei lam pansan in Missile 100 val tawh vialnih in khenin, khahkhia ziahziah in thuhkikna / phulakna nei uh hi. Televiv khuapi leh Jerusalem khuapi a om mipi lom omna mun teng muitum (target) in nei uh cih thu Israel in pulakkhia hi.
Israel galkapte’n Irante’ Missile a lompi in kapkhiatsak thei uh ahih manin, kido/ kikapna sungah Israelte 34 valin liamna ngah cih Media lamte’n gen uh hi. June 13, 2025 ni zingsang lamin Iran te’ Nuclear lam tawh kisai Innpite leh galkap phualpite Israel in Van lam pan kapin a suksiatsak khit teh Iran in hih bangin a thukkik uh ahi hi. Hih danin Israel in Missile tawh akap Irante in zong Drone a lom atang khahkhia in, nasiatak phula kik uh hi.
Irante’ makaipi Supreme Leader Ayatollah Ali Khamenei in a genna ah Irante’ tungah hong to masa ahi Israelte pen thu bawl bek tham loin, a thuak ding kilawm bangin thukhenna piak huai hi ci-in genkhia hi. Israel te’ dona pen Irante’ galkapna lam leh mipi makaite, nuclear scientist mipil tampi in sihlawh uh hi.
Iran in a kapkhiat sak uh missile tangpite pen Israel van lam dalna (Israeli air defense system) cihte’n khaktan in, kapkhiat sak a, nitak khuamial khitin vantung huih lakah puakkham in a ginngaih leh gamlum henhan cihte kiza ziahziah bek tham loin, van kim laiah meikhu ngeungang hi. Tua banahInnpi (building)te zong kiling damdam zo ci hi. Tel Aviv ahi a, Jerusalem khuapi cihte ah Airlines lau huaina (Airborne warning siren) Talawk ham tawh kigamlum mahmah ci hi.
Lei a om Thuthak kankhia (AP Journalist) ten bel Tel Aviv ah Irante’ Missile thaupi tang a tawm pen missile 2, tusuk in puakkham cih thu akigen hangin, a si aliam tawh kisai kiciantak kigenkhia thei nailo hi. Televid khuapi a om Zato Innpi khat pen Irante’ a vial nihna lotna Missile khah khit zawh aliam mi 7 kipuak zota cih thu gen hi. Israelte’ lei lam tawh kisai honkhia pawl (Ground rescue team) te’n bel Irante’ kapna sungah a si aliam a omloh hangin, mi 34 liam uh cih sazian (list) ah om ahihna genkhia hi.
Israel kumpi in Iran nuclear galvante a bawlkhiat theihna ding Nipikal tomno sung bek kihal ahih manin, a masa zawzaw a hampha cih danin galdona nei cih pulak hi. Iran bekin Nuclear anei himawk leh Israelte’ nuntakna ding nasiatak tobawl suak ahihna hangin, hih kitonate pen sianthosak masa ding kisam cih thu Israel in gen hi.
Israel Prime Minister Benjamin Netanyahu in Iran te’n a mau ngimna (target) munte hong do/ kapna manzo nailo uh a, akisap leh akisapna om bangin nikhat hun la kikin, kivikkik loh phamawh ding hi ci-in vau hilhna nei hi.
Hits: 4