Karenni State, Loikaw khuapi a om State Police Headquarters pen Karenni galkap (KNDF) pawlin December 10, 2023 ni zingsang tung (04:00am) hunin busim in Police station buppi sutkhia zo uh cih thu KNDF thuthak saite in gen uh hi.
” Zingsang nai (04:00am) hun pawlin busim ung! Zingsang (09:15am) hun pawlin State Police Headquarters zumpi sutkhia zo himai” ci-in KNDF thuneiten genbeh hi. KNDF Division Commander in zong Karenni State Police phualpi kilakhiazo ta ci-in kipsakna pulak khia hi. State Police zumpi kilakhiazo takpi mah hi. Adangte bel KNDF zumpi lamte’n pulak un teh” ci-in genbeh hi.
KNDF galkap pawl khatin State Police zumpi sung a om Motorcycle tungah tuangin ciamtehna Photo kiziah in, amau facebook social media tungah a suanna uh kimukhia hi. Tuni zingsang tungin SAC galkap pawlin Thaupi tawh a kapna hangin, Loikaw khuapi sung a om Loikaw Taung bazar (market) meikang tum sitset cih kiza hi.
Hits: 13