Sagaing Division, Kawlpi, Munlai veng, Bogyoke Road ah tuni May 7, 2025 nitak lam (4:00pm) hun pawlin Zomi nupi khat leh nungak khat ii tuanna Motor cycle pen Skat mawtaw in a nung pan phukha ahih manin, a nih un amun ah hong nusia pah cih kiza ahih manin, Tongsan Media pan dahpihna i pulak hi.
Hong nusia numei 2 te pen Chin State, Tonzang township Mualpi khua pan Kawlpi ah galtai suk ahi; Nu Magraret Mang Go Lun @ Maalun (Kum 44) ta 5 nei leh Lia Stella Ciin Sian Muan @Miannu (Kum 19) te ahi uh hi.
Nu Magaret Mang Go Lun pen a lutang gawi kha-in zan dikdek a, Lia Stella Ciin Sian Muan pen a pheipi gawizan dikdek ci hi. A phukha Skat mawtaw pen khawllo-in tai suak vingveng himah leh a kiim a om mipite’ panpihna tawh kimankilzo bek tham loin, thuneite tungah kipiakhia pah ci hi.
Lai Ciin Sian Muan lunghawm pen Tonzang ah kivui dinga, Nu Mang Go Lun pen Kawlpi mah ah kivui ding cih kiza hi. Hong nusia sanggamnute gel ii innkuanpih, sanggam laizomte leh a tate akipan a dah akap khempeuh Kha siangtho in na hehnem ta hen!
Hits: 0