Sagiang Division, Khampat khuapi leh Kanan khuaneu pen January 16, 2025 nitak lamin SAC te’n Vanleng tawh bomb khiat uh a, naupang kum 3 khat akihel mi 2, si-in, hon khat liam uh a, Phungzi sang leh mipite’ Inn kigawm vekpi 21 kisiacip ci-in Khampat khuamite’n gen uh hi. Nitak (8:30pm) hunin Khampat khuapi Veng (1) sung nihvei bomb khiat uh a, Kanaan khuaneu a om Phungzi sang pen khatvei khiat uh ci hi.
” SAC ten bomb khiat uh a, kum 3 apha numeino khat leh PDF galkap khat zong si hi. A liam limlim 6 pha uh a, tua sungah Kanan phungzipa zong kihel hi. Amau bel nak liam lua sam kei. lMipite’ tenna inn leh phungzi sang kigawm inn 21 kisia in, Phungzi khat zong liam cih thu khuamiten gen uh hi.
Tua bang a SAC te’n bomb khiat khit akipan mipite kilau ahih manin, khua pua lamah kitai kek in gam sungah kibumang ci hi. Tua kawmkawm in SAC te’ Vanleng ging bil kidawh kawmkawm himai ci hi. Bomb khiat kik ding kigalging ciat ci-in khuamiten gen hi.
NUG kumpi in Sagaing Division sung a om Kumpi zumte pansan dingin tangkona nei uh a, tua kawmkal ah PDF pawlin Tamu khuapi kila / kikap ding cih thuging kiza hi. Sagaing Division, Tamu District, Khampat khuapi pen NUG kumpi i khut nuai a om Revolution thautawite in abeisa November 7, 2023 ni-in kilakhiazo ta a, Myothit khuapi pen May 11, 2024 ni-in kido in kilakhiazo ta hi.
Hits: 6