Northern Shan State, Naungcho khuapi a om Refreshing Niangtui sai (Refreshing Teashop) khat pen November 12, 2024 ni sun lam (2:00pm) hun pawlin SAC te in Vanlam pan nasiatak kap uh a, niangtui sai a tu mipi 20 val sipah in, a liam abai tampi tak mah om ci-in Naungcho khuami khatin gen hi.
“Tuni November 12, 2024 sun lam (2:00pm) kiim in Naungcho khuapi a om Refreshing Teashop pen SAC te’n thakhat in Vanleng tawh Pound 500 agik bomb namte khiat uh a, Niangtui dawnte leh nasemte mi vekpi 20 val Niangtui sai phualah si zihziah uh hi “ ci-in PDF lam pan thunei khatin gen hi. “Mihing hihzah a sihna leh a liamna bel Niangtui sai sung lianah bomb tusuk mawk hi ta ven” ci-in genbeh lai hi.
Hih Nuangcho khuapi kikapna vai tawh kisai TNLA te thu akidot cianna kinei lai tak cih Media lamten genkhia uh ciat hi. SAC makaipi Min Aung Hlaing pen China gam a khualzinna pan November 10 ni-in Nyipyidaw tung kik a zingciang mahin Naungcho khuapi leh Mogok khuapite bomb khiat uh ahi hi. Mandalay Division, Mogok khuapi ah SAC in bomb a khiatna hangin tualsung mi pasal 16, numei 4 akigawm 20 val si-in, 13 val nasiatak liam ci hi.
Tua banah November 12, 2024 ni-mahin Magwe Division, Point Phyu khuapi leh Chin State, Mindat khuapite zong bomb khiat ziahziah hi. Rakhins state, Ann khuapi zong Vanlam pan nak kap mahmah cih thu kiza hi. SAC in TNLA te’ laksa leh thuneihna mun ahi hih Northern Shan State, Naungcho khuapi pen a hunhun in, van lam pan kap zelzel uh hi. Abeisa October 19, 2024 ni-in zong SAC in Naungcho Khuapi vanlam pan akapna hangin Naupang 2 in nuntakna bei lawh khin lai cih kiza hi.
Hits: 0