Chin State (Zogam), Tedim District , Tonzang Township Darkhai khua ah Roman Catholic Pawlpi tunzawh kum 73 cinna (Diamond Jubilee) leh St. Peter Church biakinn thak hon pawi gawmin abeisa Nov. 24-25, 2023 sungthupitak nei uh cih kiza hi. Tua lai ah Kalay Diocese Bishop Felix Lian Khen Thang in Jubilee mualsuang honna leh biakinn kong honna nei-in, Zogam khua tuamtuam pan pawi sim mi 1200 val kipaikhawm cih kiza hi.
Tua banah RC Father suakthak Tuimang khua suak Old Darkhai khua ateng Pa John Vungh Khan Zam leh Nu Maria Kam Ngaih Ciin te’ tapa Deacon Andrew Thang Muan Tuang leh Tedim gam huam Teeklui khuami Pa Andrew Thang Gin Piang leh Nu Mary Cing Sial Vungte’ tapa Deacon Francis Nang Deih Pau te in Bishop Felix Lian Khen Thang (B.A, J.C.D, DD) tung pan Siampi (Father) suahna nei uh a, tua laiah Siampi ngahsa mi 22 kihelthei cih zong Khuamite in Tongsan Media ah zasak uh hi.
![](https://tongsan.org/wp-content/uploads/2023/12/405759523_371672111905273_6873684595825479252_n-1024x683.jpg)
![](https://tongsan.org/wp-content/uploads/2023/12/410787500_650321263982982_1485038177169829859_n-1024x585.jpg)
![](https://tongsan.org/wp-content/uploads/2023/12/410743908_650321647316277_8311436893423081011_n-1024x585.jpg)
![](https://tongsan.org/wp-content/uploads/2023/12/410840009_650321667316275_3240055607966956639_n-1024x585.jpg)
Hits: 22